29.08.2012 / 19:48

Прэзідэнты: хто вышэйшы? 20

Рост Аляксандра Лукашэнкі — 182 см.

Асабістае жыцьцё чалавека ў дэмакратычных краінах ахоўваецца законам. Тое ж тычыцца і стану ягонага здароў’я. Іншая справа — публічныя асобы, тым больш — кіраўнікі дзяржаваў — тут таямніцаў не застаецца.

Так, у Злучаных Штатах Амэрыкі рэгулярна публікуюцца вынікі мэдычнага абсьледаваньня прэзыдэнта, большасьць фізіялягічных парамэтраў знаходзяцца ў адкрытым доступе. У тым ліку — і рост.

Псыхолягі дыскутуюць адносна ўплыву чалавечага росту на ягоныя паводзіны і самаацэнку, аднак наўрад ці рост чалавека можа неяк істотна ўплываць на ягоныя палітычныя здольнасьці ці ступень ягонага дэмакратызму.

Так, Уінстан Чэрчыль і Ўладзімер Пуцін былі прыблізна аднолькава росту (168 і 170 адпаведна), як і Барыс Ельцын (188) і Фідэль Кастра (190), а Напалеон і дэ Голь істотна розьніліся (168 і 196).
Затое ступень даступнасьці гэтай інфармацыі можа сьведчыць і пра дэмакратычнасьць кіраўніка ці ягоных афіцыйных прадстаўнікоў.

І калі прэсавая служба прэзыдэнта Малдовы Мікалае Цімафці адразу назвала рост свайго патрона (176), дык даведацца дакладны рост прэзыдэнтаў Армэніі, Таджыкістану і Ўзбэкістану нам не ўдалося. Меркаваць пра гэта даводзіцца з суб’ектыўных ацэнак калег-журналістаў («Рост Саргсяна як у Мядзьведзева», «Карымаў выглядае аднаго росту з Назарбаевым», «Аліеў такі як Лукашэнка, можа крыху вышэйшы», «Рахмон прыблізна такі, як Лукашэнка».

Між іншым,

рост Аляксандра Лукашэнкі таксама афіцыйна не падаецца — мы скарысталіся дадзенымі агенцтва Інтэрфакс.

1
віКніК / Адказаць
29.08.2012 / 19:54
...каб яшчэ рост прыбаўляў розуму (а лепш - сумленне)...
1
Яўген / Адказаць
29.08.2012 / 19:56
І чаму расейцы Прохарава не абралі? Былі б зараз першымі...
1
Бабулька / Адказаць
29.08.2012 / 20:20
Не хто самы высокі, а хто самага вялікага росту. А самы нізкі той, што без гальштука
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру