30.08.2012 / 14:47

У Серабранку вернуць трамваі 3

8 верасня плануецца аднавіць трамвайны рух да мікрараёна Серабранка ў Мінску.
Пра гэта на прэс-канферэнцыі 30 жніўня паведаміў дырэктар дзяржаўнай установы «Сталічны транспарт і сувязь» Валерый Шкуратаў.

Ён нагадаў, што рэканструкцыя трамвайных пуцей і будаўніцтва падземнага перахода на праспекце Ракасоўскага праводзіліся тры гады. «Былі праблемы ў жыхароў мікрараёна, у вадзіцеляў трамваяў, якія не былі запатрабаваны ўвесь гэты час, іх неяк трэба было ўтрымаць», — адзначыў Шкуратаў.

Паводле яго слоў, прадпрыемства «Мінсктранс» правяло велізарную працу, правяло мадэрнізацыю трамвайных пуцей. «Мы атрымалі вельмі сучасны пуць», — сказаў дырэктар установы.

Будуць адноўлены маршруты № № 11 і 8.

Як адзначыў намеснік генеральнага дырэктара дзяржаўнага прадпрыемства «Мінкстранс» Віктар Тозік, сёння ў сталіцы працуе 79 аўтобусных маршрутаў, якія кампенсуюць знятыя ў сувязі з рамонтам іншыя віды транспарту: трамваі і тралейбусы. «Прыблізна 120 аўтобусаў у нас сёння працуе на часовых маршрутах, 200 вадзіцеляў на гэтым задзейнічана», — сказаў Тозік.

«Для запуску трамваяў у Серабранку мы кругласутачна вядзем работу, і, паводле нашых разлікаў, мы павінны паспець да свята горада. У выхадныя мы яшчэ закрываем рух аўтобусаў, але мы гэта робім для таго, каб жыхары Серабранкі 8 верасня ўжо паехалі на трамваях», — падкрэсліў намеснік гендырэктара.

0
Пеця / Адказаць
30.08.2012 / 14:56
Нарэшце! Дык разгрузіцца яшчэ і ўчастак плошча Якуба Коласа - Валгаградская.
0
me / Адказаць
30.08.2012 / 17:44
правільна, 3-х гадоў не хапіла, каб завершыць работу, таму зараз работы вядуцца кругласутачна, каб паспець да дня горада...
0
мясцовы2 / Адказаць
30.08.2012 / 19:45
вярніця туды людзёў, а то адныя андройды там жывуць
Каб пакінуць каментар, калі ласка, актывуйце JavaScript у наладах свайго браўзеру