У Мінску парк названы імем мэра Міхаіла Паўлава

Парку на праспекце Любімава ў Мінску прысвояць імя былога кіраўніка Мінгарвыканкама Міхаіла Паўлава,

паведамілі ў прэс-службе Мінгарвыканкама.

У зоне адпачынку ў раёне прыпынку «Паўднёвы Захад-1» ужо ўсталяваны памятны знак у гонар былога кіраўніка горада.

Цырымонія яго адкрыцця і прысваення парку імя М. Паўлава адбудзецца 1 верасня (у гэты дзень Міхаілу Паўлаву споўнілася б 60 гадоў) з удзелам кіраўніцтва Мінгарвыканкама, Мінскага гарадскога Савета дэпутатаў.

Міхаіл Якаўлевіч Паўлаў ўзначаліў Мінскі гарадскі выканаўчы камітэт у сакавіку 2000 года, 6 чэрвеня 2010 г. памёр пасля цяжкай працяглай хваробы. З яго дзейнасцю звязаны значныя поспехі ў сацыяльна-эканамічных пераўтварэннях Мінска, які набыў сучаснае аблічча еўрапейскай сталіцы.

БелТА

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм