18-гадовы беларускі плывец Ігар Бокій з асабістым рэкордам 55,50 секунды стаў чэмпіёнам Паралімпіяды ў Лондане на дыстанцыі 100 метраў батэрфляем. Другое месца ў расіяніна Рамана Дубавога (56,37), трэцяе — у аўстралійца Цімаці Анталфі (56,48).

Яшчэ адзін беларускі плывец, які выступаў у гэтым заплыве, чэмпіён Паралімпіяды-2008 Дзмітрый Салей заняў 5-е месца (58,47), паведамляе Прессбол.

Хана Кокрафт (Брытанія) выйграла 100 метраў на Паралімпіядзе.

Хана Кокрафт (Брытанія) выйграла 100 метраў на Паралімпіядзе.

XIV Летнія Паралімпійскія гульні праходзяць у Лондане з 29 жніўня па 9 верасня.
У іх бярэ ўдзел 4 200 спартоўцаў з 166 краін. Будзе разыграна 502 камплекты ўзнагарод у 20 відах спорту.

Беларусы выступяць у сямі відах: лёгкай атлетыцы (7 удзельнікаў), плаванні (6), акадэмічным веславанні (8), фехтаванні (5), дзюдо (2), веласпорце (2), паўэрліфтынгу (1).

Хочаш падзяліцца важнай інфармацыяй ананімна і канфідэнцыйна?