02.09.2012 / 09:44

Беларусы заваявалі ўжо тры медалі на Паралімпіядзе 2

Другі медаль заваяваў Ігар Бокій, бронза ў Аляксандра Суботы.

Ігар Бокій (злева), золата выйграў аўстраліец Чарлз Боўэр.

Оскар Пісторыус з Паўднёвай Афрыкі выйграў 200 м з сусветным рэкордам.

Беларускія спартоўцы маюць ужо тры медалі (адзін залаты, адзін сярэбраны і адзін бронзавы) на Паралімпійскіх гульнях, што праходзяць у Лондане.

Нагадаем, што ў пятніцу золата на 100 м батэрфляем заваяваў Ігар Бокій.

У суботу Ігар выйграў срэбра на 50м вольным стылем. А бронзавы медаль учора заваяваў у трайным скачку Аляксандр Субота.

XIV Летнія Паралімпійскія гульні праходзяць у Лондане з 29 жніўня па 9 верасня.
У іх бярэ ўдзел 4 200 спартоўцаў з 166 краін. Будзе разыграна 502 камплекты ўзнагарод у 20 відах спорту.

Беларусы выступаюць у сямі відах: лёгкай атлетыцы (7 удзельнікаў), плаванні (6), акадэмічным веславанні (8), фехтаванні (5), дзюдо (2), веласпорце (2), паўэрліфтынгу (1).

nn.by

0
бумбарашык / Адказаць
02.09.2012 / 12:02
Малайцы!!!
0
Люн / Адказаць
02.09.2012 / 14:06
Менавіта ТАКІМІ спартоўцамі трэба ганарыцца. Мае шчырыя віньшаваньні!
Каб пакінуць каментар, калі ласка, актывуйце JavaScript у наладах свайго браўзеру