10.04.2007 / 08:56

У Менску адбыўся флэш-моб супраць будаўніцтва АЭС 5

9 красавіка а 19.30 блізу 10 маладых людзей сабраліся каля будынку Белдзяржцырку і надзелі рэсьпіратары і павязкі са знакам радыяцыйнай небясьпекі.

Флэш‑моб супраць будаўніцтва ў Беларусі атамнай электрастанцыі без грамадскага абмеркавання прайшоў у Мінску ўвечарам 9 красавіка.

У 19.30 прыблізна 10 маладых людзей сабраліся каля будынка Белдзяржцырка, надзелі рэспіратары і павязкі са знакам радыяцыйнай небяспекі. Яны трымалі расцяжку «Беларусь — без АЭС!».

Праз некалькі хвілін удзельнікі акцыі згарнулі расцяжку і прайшлі да плошчы Перамогі, дзе раздалі мінакам каля 200 улётак.

Пад загалоўкам «Без АЭС!» у іх прыводзяцца выказванні ў сувязі з будаўніцтвам атамнай электрастанцыі амбасадара Францыі ў Беларусі Мірэй Мюсо, дырэктара Рэспубліканскага навукова‑практычнага цэнтра радыяцыйнай медыцыны і экалогіі чалавека Элеаноры Капітонавай, члена‑карэспандэнта Нацыянальнай акадэміі навук Івана Нікітчанкі, доктара тэхнічных навук прафесара Рыгора Лепіна. Акцыя завяршылася без затрыманняў.

Хочаш падзяліцца важнай інфармацыяй ананімна і канфідэнцыйна?

0
Модладзі для агульнай адукацыі / Адказаць
10.04.2007 / 12:24
Ангельцы словам "Power" называюць і ўладу і энергію. Няма сваёй энергіі - няма ўлады. Таму разумныя і багатыя заходнэўрапейцы, японцы будуюць і будуюць свае АЭС, ведаючы, што нафты засталося на некалькі дзесяцігодзьдзяў. Я ўжо не кажу пра экалёгію - тут АЭС - дае самую бясьпечную энергію (пры ўмове, што АЭС будаваць для энэргазабесьпячэньня, я ня для вайсковых экспэрымэнтаў). Зараз атамную станцыю Беларусь не пацягне - на будаўніцтва трэба паўгадавога бюджэту. А інвэстыцыяў і сучасных тэхналёгіяў гэтай уладзе не здабыць. Зноў мы спазьняемся....
0
Aleś Jurkaviec / Адказаць
10.04.2007 / 12:59
Я асабіста прынцыпова не супраць АЭС, але супраць таго, каб яе будавалі пры цяперашняй уладзе. Надта ж у нас жадаюць сьвет зьдзівіць размахам і тэмпамі. Паставіць Лукашэнка задачу скляпаць тое, што трэба па тэхналёгіі 5 гадоў рабіць, за 2 ці 3 - усе кінуцца выконваць і здадуць са шматлікімі недаробкамі. Як у нас аб'екты робяцца - стужачка ўжо даўно перарэзаная, а наўкола і ўсярэдзіне кіпіць будаўніцтва. А АЭС - гэта ўсё ж такі не які-небудзь вакзал ці лядовы палац.
0
эрл / Адказаць
10.04.2007 / 13:40
Дакладна пра АЭС ня ведаю, але-ж дзесьці па тэлевізыі чуў аб тым, што рэактары, якія запусьцілі ў 60-х гадох, зараз ня ведаюць, як спыніць; распрацваны альгарытм, згодна якому работы па спыненьню каштуюць амаль біліён даляраў. Аднак гэта толькі гепотэза. Ці патрэбны такі гемар Беларусі. Трэба здавацца, і есьці тое, што даюць нам нашыя браты з усходу, і ня вякаць... Адваяваліся ўжо, The 2nd World War скончылася даўно...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру