04.09.2012 / 14:50

Лукашэнка ўкараняе сістэму электроннай аплаты на дарогах 2

«Размова сёння пойдзе аб новаўвядзенні ў нашай краіне. Мы абмяркуем, магчыма, прымем неабходныя рашэнні па аднаму з важнейшых інвестыцыйных праектаў, якія нам трэба рэалізаваць, — сказаў Аляксандр Лукашэнка, адкрываючы нараду па электроннай аплаце. >

Звяртаючыся да прадстаўнікоў урада, Аляксандр Лукашэнка запатрабаваў, па-першае, далажыць аб тым, наколькі аб’ектыўна вывучана пытанне кошту стварэння такой сістэмы на сусветным рынку і для Беларусі, а таксама якая ступень інавацыйнасці гэтага праекта. Па-другое, як прапрацаваны ўдзел у праекце айчынных арганізацый, якая доля гэтага ўдзелу, а таксама ці магчыма стварэнне такой сістэмы ўласнымі сіламі. «Укараненне гэтай сістэмы не павінна знізіць транзітныя патокі праз нашу краіну», — падкрэсліў ён.

Аляксандр Лукашэнка таксама адзначыў, што такія праекты ўжо рэалізаваны ў суседніх з Беларуссю краінах, дзяржавах Еўрасаюза.

На нараду запрошаны прадстаўнік аўстрыйскай кампаніі-інвестара «Капш», які раскажа аб сваім бачанні праекта. Гэта кампанія з’яўляецца сусветным лідарам у стварэнні і эксплуатацыі такіх сістэм. Аналагічныя ствараемай у Беларусі сістэмы спагнання платы за праезд кампаніяй устаноўлены ў такіх краінах, як Аўстрыя, Чэхія, Швейцарыя, Швецыя, Польшча, Італія, Францыя, Іспанія.

0
LMI / Адказаць
04.09.2012 / 15:17
Я не супраць. Якасныя дарогі каштуюць грошаў, і вялікіх. Пужацца тут няма чаго. На адных падатках і "паборах" дарогі не пратрымаеш. Зараз мы выглядаем лепей амаль за усіх нашых суседзяў па якасьці дарог, але значна саступаем далей на Захад. А там (на Захадзе) дарогі платныя. выключэньне Германія, аднак нам да яе ў эканамічным пляне як да Кітая ракам.
0
Сырок разладу / Адказаць
04.09.2012 / 16:31
Ну, калі аляксандаррыгоравіч будуе дарогі з уласных грошаў, то чаму бы не браць плату за праезд з беларусаў? А так нічога не зразумела... Ці, атрымліваецца, трэ браць грошы, каб плаціць фірме, якая трэба дзеля таго каб браць грошы? А чаму зноўку аўстрыйская фірма? Няма больш іншых краін?
Каб пакінуць каментар, калі ласка, актывуйце JavaScript у наладах свайго браўзеру