04.09.2012 / 15:16

Музыку Алега Клімчанку пахавалі на могілках у вёсцы Забалоцце 1

Прычыны смерці дагэтуль невядомыя.

На грамадзянскую паніхіду сабраліся сваякі, музыкі, калегі па працы, а таксама прыхільнікі яго творчасці.

Развітанне з басістам гурта Litvintroll Алегам Клімчанкам прайшло ў аўторак у абласной клінічнай лякарні ў Бараўлянах. Пахавалі Алега на могілках у вёсцы Забалоцце пад Мінскам.

Нагадаем, Алег Клімчанка памёр 2 верасня на сцэне гомельскага цэнтра культуры падчас выступу гурта Litvintroll. Яму было ўсяго 35 гадоў.

Прычыны смерці дагэтуль невядомыя. Экспертыза паказала, што не было ўдару токам, не было і інсульту.
Таксама ў крыві не было знойдзена нейкіх рэчываў, што б маглі выклікаць спыненне сэрца. Дакладныя прычыны смерці стануць вядомыя праз некалькі тыдняў, калі прыйдуць вынікі поўнай экспертызы.

Па словах сяброў Алега, у дзень канцэрта ён скардзіўся на галаўны боль.

0
сябры / Адказаць
04.09.2012 / 19:12
Чакаем поўнай экспертызы.
Каб пакінуць каментар, калі ласка, актывуйце JavaScript у наладах свайго браўзеру