04.09.2012 / 16:55

Мінскія студэнты патрабуюць навучання па-беларуску 82

Акцыя прайшла 3 верасня на плошчы Якуба Коласа.

Удзельнікі рызыкавалі арыштам і выключэннем з універсітэтаў: гэта здараецца ў выніку большасці падобных акцый з выказваннем грамадзянскай пазіцыі.
Тым не менш

у панядзелак 3 верасня на плошчы Якуба Коласа прайшла «Фотаакцыя «Хочам вучыцца па-беларуску». Так адрадзілі акцыю з патрабаваннем беларускамоўнага навучання, якая цягам трох гадоў некалі праводзілася ў Беларусі.

Традыцыя правядзеньня падобных акцый у першы дзень навучальнага году існавала ў 2004–2006 гадах.

На першую гучную акцыю «Хочам вучыцца па-беларуску» ў 2004 годзе на Кастрычніцкай плошчы сабралася каля 200 чалавек, не абышлося тады і без затрыманняў. Наступным годам новае пакаленне студэнцкіх актывістаў сабрала на плошчы Якуба Коласа каля 60 студэнтаў, якія сфармавалі надпіс «Хочам вучыцца па-беларуску». Абедзьве акцыі заканчваліся бардаўскімі канцэртамі ў парку Янкі Купалы. Увосені 2006 акцыя «Хочам вучыцца па-беларуску» фактычна не ўдалася. На канцэрт прыйшлі каля 30 чалавек, аднак ён не адбыўся.

Праз 6 гадоў новае пакаленне Задзіночання беларускіх студэнтаў правяло на плошчы Якуба Коласа новую «Хочам вучыцца па-беларуску».

Паводле звестак Нацыянальнага статыстычнага камітэту, толькі 0,9% ці 4 200 студэнтаў ВНУ маюць магчымасць вучыцца цалкам на беларускай мове. Узнікненне цалкам беларускамоўнага ўніверсітэта — адна з галоўных перадумоваў для захавання нацыянальнай культуры і мовы.

0
Zyxman / Адказаць
04.09.2012 / 17:11
Самому прыходзілася ўсё перакладаць і час ад часу выкладчыкам тлумачыць некаторыя словы.За акцыю залік!) ЗЫ:чарнаскуры выкладчык Місье Жан вельмі спачуваў стану нашай мовы ў грамадстве!
0
belariy / Адказаць
04.09.2012 / 17:15
на адлічэньне нахабнікаў.
0
Iharok / Адказаць
04.09.2012 / 17:15
Я за то, чтобы студентов учили на белорусском языке. Но как нормальный адекватный человек никогда не поверю, что этого хотят сами студенты, кроме небольшой группки активистов оппозиции. В середине девяностых на волне подъема национального сознания еще была у молодежи готовность заставить себя учиться на белорусском. Но не сейчас.
Паказаць усе каментары/ 82 /
Каб пакінуць каментар, калі ласка, актывуйце JavaScript у наладах свайго браўзеру