Лідзія Ярмошына сёння абвяшчала выбарчую статыстыку. І сярод іншага заявіла, што ў Гродзенскай вобласці не пройдуць дэбаты, бо не знайшлося хаця б двух кандыдатаў, хто пажадаў у іх удзельнічаць.
Іван Шэга, паважаны хірург і сябар Партыі БНФ, які балатуецца ў Слонімскай выбарчай акрузе №58, аспрэчыў словы старшыні Цэнтрвыбаркама.
Ён разам з Міхаілам Караткевічам ад Беларускай партыі левых «Справядлівы свет» падаваў заяву на ўдзел у дэбатах. Але ў акруговай выбарчай камісіі ім адмовілі, спаслаўшыся, што зрабіць гэта трэба было ў дзень рэгістрацыі іх кандыдатамі, а не на наступны (ах, якая важнасць!).
Па словах Шэгі, пасля менавіта старшыня Цэнтрвыбаркама адказвала на іх скаргу, так і не дапусціўшы да дэбатаў.А таму яна кажа няпраўду, калі робіць падобныя заявы, кажа кандыдат. «Маленькая няпраўда нараджае вялікую», — кажа ён.
Гродзенская вобласць — рэгіён заходні і дынамічны, але менавіта тут адсеў кандыдатаў заўжды найбольшы.
0
0
0
0
0
0
