12.09.2012 / 09:37

Восеньскі неадэкват 14

«Зачэм, мушшына, ядраштурхальніцу тыраніў?» Піша Мікалай Халезін.

Неаднаразова чулі папрокі ў свой адрас пра страту адэкватнага ўспрымання радзімы пасля выбыцця з яе.

Гляджу навінавую стужку і думаю: хто гэтыя людзі, якія забараняюць мне калупацца ў носе і ўказваюць іншым на адэкватнасць?

З’яўляецца ў эфіры таварішчь Вольга Абрамава і раскрывае механізм фальсіфікацый парламенцкіх выбараў. І гэта тая самая Абрамава, якая прайшла калісьці ў парламент па спісе Лукашэнкі ў выніку гэтай самай фальсіфікацыі.
Гэта значыць, яна цяпер ціпа апазіцыя, што паліць напалмам ненавісны рэжым, якому, уласна, і служыла.
Цытата: «Адбылася поўная дэвальвацыя інстытута парламентарызму і інстытута выбараў. Гэта дыягназ». Гэта значыць, калі яе ўключалі ў спіс парламентарыяў, зацверджаны Лукашэнкам, дэвальвацыі парламентарызму не было, а як не ўключылі, дэвальвацыя пачалася. Гэта сапраўды дыягназ.
Другая гісторыя, якая ўразіла, — пра тое, як трэнер дадаваў допінг у катлеты Надзеі Астапчук, пазбаўленай залатога медаля алімпіяды
. Так і бачу: крадзецца па кухні трэнер з колбай допінгавага йаду і залівае яго ў фарш. Агучыў гэтую лухту нейкі Ванхадла з антыдопінгавага камітэта. Прычым, нейкі Ванхадла вяшчаў пра гэта без і Астапчук і яе трэнера — казаў, што трэнер прызнаўся ў зробленым. Калі журналісты звярнуліся да трэнера з пытаннем: «Зачэм, мушшына, ядраштурхальніцу тыраніў?» — ён адказаў: «Вы што там усе, е…ліся? Я нікому ў катлеты допінг не сыпаў».
І вось сяджу я перад камп’ютарам і думаю: наколькі ж я страціў адэкватнасць удалечыні ад радзімы, раз не разумею ўжо такіх відавочна простых рэчаў, як допінг і фальсіфікацыі.

0
achtung / Адказаць
12.09.2012 / 10:01
Халезін паказвае сваю аддалёнасць ад спорту. Калі не разбіраешся? Навошта пісаць? Паказаць сваё глупства? Яно і так вядома. Спартоўцы катлетамі не пітаюцца)))
0
Так! / Адказаць
12.09.2012 / 10:22
Шызiк усё намагаецца вывесьцi новую пароду людзей, якiя на ўвесь беспредел i нялепiцу пагаджалiся б безумоўна цi хаця б з агаворкай- "ну, вы самi панiмаеця!" Тых, хто не жадае пераходзiць у лукасекi, жэстачайшэ караюць. Слабыя духам, але нежадаючыя скарыцца, вымушаны адсюль збягаць.
0
lazy-bones / Адказаць
12.09.2012 / 17:57
Heta redki vypadak kali całkam zhodny sa Sp. Chalezinym. Svaim časam - u 1993 h. - Abramava była ledź nie hałoŭnaj zmaharkaj z idejaj ŭvodu systemy praparcyjanaha losavańnia ("maŭlaŭ, bnf-aŭcy pryjduć da ŭłady")... Komunisty, darečy byli tady nia suprać (ichni rejtyng pačaŭ raści) - tamu šancy mielisia. Abramava komuniakaŭ (jašče adzinych) napałochała pradakazańniami zasilla nacyjanalistaŭ... Hetaja pasłuha pa zachavańni mažorytarnaha systemu była adznačyna mahčymaściu stacca niešmatlikim pradstaŭnikom (pseŭda) "demakrataŭ siarod deputataŭ" ciaham dźviuch sklikańniaŭ...
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру