Камітэт па правах чалавека ААН зарэгістраваў скаргу беларускага праваабаронцы Валянціна Стэфановіча на ўмовы ўтрымання ў Цэнтры ізаляцыі правапарушальнікаў (ЦІП) ГУУС Мінгарвыканкама, які размешчаны на вуліцы Акрэсціна.
Як паведаміў Стэфановіч, скаргу ў Камітэт ААН па правах чалавека (КПЧ) ён накіраваў у 2010 годзе. Праваабаронца скардзіўся на ўмовы ўтрымання ў ЦІП, куды быў змешчаны пасля акцыі пратэсту супраць смяротнай кары, якая прайшла 23 сакавіка.
Звярнуцца ў міжнародную структуру Стэфановіч вымушаны быў пасля таго, як яго скаргу на ўмовы ўтрымання ў ЦІП праігнаравалі суд Маскоўскага раёна сталіцы і Мінскі гарадскі суд.
Зварот праваабаронцы тычыўся парушэння арт. 5 Усеагульнай дэкларацыі правоў чалавека і арт. 7 Міжнароднага пакта аб грамадзянскіх і палітычных правах, згодна з якімі ніхто не павінен зведваць катаванні або жорсткае, бесчалавечнае абыходжанне і пакаранне, якія зневажаюць годнасць.
Бесчалавечным абыходжаннем Стэфановіч палічыў тое, што ўмовы ўтрымання не адпавядаюць базавым«Гэтая турма выкарыстоўваецца ўладамі для ўтрымання дэмакратычных актывістаў, прыгавораных да зняволеныя паводле фальшывых абвінавачанняў. Такім чынам, людзі змяшчаюцца ва ўмовы, якія можна назваць катаваннямі», — заявіў праваабаронца.санітарна-гігіенічным нормам.
Яго індывідуальная скарга зарэгістравана ў КПЧ ААН пад нумарам 2882/2012, ужо пачаліся працэдуры па вывучэнні справы.
«Зараз Камітэт па правах чалавека папросіць беларускія ўлады пракаментаваць маю скаргу. Потым я магу напісаць свой водгук на гэты каментарый, і толькі затым скарга будзе разгледжана. У прынцыпе, на гэта патрабуецца звычайна
Пры гэтым праваабаронца адзначыў, што
рашэнні КПЧ ААН беларуская ўлада, як правіла, ігнаруе.
Гэта ўжо не першая такая скарга з Беларусі, прынятая да разгляду КПЧ ААН. Днямі там зарэгістравалі скаргу грамадскага актывіста Ягора Баброва, які таксама скардзіцца на ўмовы ўтрымання ў ЦІП і «на бесчалавечнае, якое зневажае чалавечую годнасць», абыходжанне ў гэтай установе. Яго скарга зарэгістравана за нумарам 2181/2012.
Пра бесчалавечныя ўмовы ўтрымання ў ЦІП на Акрэсціна не раз заяўлялі многія дэмакратычныя актывісты, якія там пабывалі. У чэрвені гэтага года праваабаронца і юрыст Алег Волчак запатрабаваў ад пракуратуры Мінска закрыць ЦІП «да прывядзення ўмоў утрымання ў ім у адпаведнасць з заканадаўствам».
