Усіх журналістаў, затрыманых 18 верасня падчас пікету каля сталічнага універсама «Фрунзенскі», адпусцілі.
Нагадаем, што сёння апоўдні ля ўніверсама «Фрунзенскі» ў Мінску падчас пікету, ладжанага моладзевым крылом кампаніі «Гавары праўду!» — «Zmena» былі затрыманыя тэлеаператар Аляксандр Баразенка, фотакарэспандэнты Сяргей Грыц (Associated Press), Васіль Фядосенка (Reuters), Таццяна Зянковіч (EPA) і Павел Падабед (БелаПАН), а таксама актывісты «Zмены» Аляксандр Арцыбашаў і Павел Вінаградаў.
Падчас пікета актывісты «Zmena» меліся зладзіць сімвалічную раздачу баршчу.
Пасля пачатку пікета да ўдзельнікаў і журналістаў падбеглі невядомыя, пачалі збіваць і затрымліваць усіх прысутных. Дзве гадзіны з журналістамі не было сувязі, кіраўніцтва мінскай міліцыі адмаўляла факт затрымання.
0
0
0
0
0
0
