Як сцвярджаецца ў лісце «Аб удзеле ў мерапрыемстве», копію якога даслаў у Рэдакцыю чытач, адміністрацыя Цэнтральнага раёна Мінска «запрашае» ўзяць удзел у дыскатэцы «Зрабі свой выбар!», што пройдзе 23 верасня на Кастрычніцкай плошчы. Як можна меркаваць з ліста, ён разасланы па спісе ў арганізацыі, установы і на прадпрыемствы раёна.
Наколькі «добраахвотны» гэты ўдзел відаць па тым, што далей патрабуецца прызначыць адказнага за збор патрэбнай колькасці людзей і падаць яго кантактную інфармацыю. А таксама — звесткі пра ўдзельнікаў дыскатэкі(поўныя імёны і нумары мабільных тэлефонаў).
Да ліста прыкладаецца схема размяшчэння ўдзельнікаў дыскатэкі на Кастрычніцкай плошчы — строга па раёнах.Пад распараджэннем, як можна меркаваць, стаіць подпіс намесніка кіраўніка адміністрацыі Цэнтальнага раёна Мінска Эдуарда Тамільчыка.
0
0
0
0
0
0
