12 красавіка Зьмітра Дашкевіча з шклоўскай калёніі павезьлі ў менскі турэмны шпіталь на абсьледаваньне. Гэтую інфармацыю пацьвердзілі ў шклоўскай калёніі, дзе ўжо болей як паўгоду трымаюць лідэра «Маладога фронту».
У Зьмітра Дашкевіча хворы хрыбет. Праблемы са здароўем пачаліся пасьля таго, як месяц таму яго перавялі працаваць на лесапільны ўчастак. Там давялося перасоўваць цяжкія бярвёны, да таго ж працоўны дзень на лесапільным участку — болей за дзесяць гадзінаў.
Лідэр «Маладога фронту» Зьміцер Дашкевіч асуджаны на паўтара году зьняволеньня паводле абвінавачаньня ва ўдзеле ў незарэгістраванай арганізацыі.
0
0
0
0
0
0