20 год таму лэйбл Parlophone выпусціў сінгл «Creep» брытанскага гурту Radiohead. Песня ўвайшла на дэбютны альбом брытанцаў «Pablo Honey».
«Creep» — адна з самых вядомых песень Radiohead. Пэўны час іх нават называлі гуртом адной песні. Усе пытанні зняў наступны альбом Тома Ёрка і К «The Bends», які на радзіме музыкаў тройчы рабіўся плацінавым. І ўсё ж факт застаецца фактам — сваёй вядомасці і славе Radiohead не ў апошнюю чаргу абавязаныя «Creep».