21.09.2012 / 21:32

У Беларусі пакуль не плануюць вяртацца на зімовы час 7

Аб гэтым БелаПАН паведаміў начальнік аддзела радыёэлектронных вымярэнняў Беларускага дзяржаўнага інстытута метралогіі Аляксандр Галыга, каментуючы ўчарашняе ўнясенне ў Дзярждуму Расіі законапраекта аб пераходзе на пастаянны зімовы час.

Паводле слоў Галыгі, у выпадку зацвярджэння законапраекта ў Расіі зменіцца часавы пояс, ён будзе такім жа, як у Беларусі. Пакуль афіцыйнага паведамлення з Расіі пра неабходнасць узгаднення часу ў Беларусь не паступала.

«Калі ніякіх паведамленняў не будзе, то ўсё застанецца па-старому, — сказаў Галыга. — У нас пакуль нічога не прадугледжвалася».

Ён дадаў, што ў адпаведнасці з законам аб забеспячэнні адзінства вымярэнняў падрыхтоўка падобных рашэнняў знаходзіцца ў кампетэнцыі Міжгаліновай камісіі па часе, частаце і вызначэнні параметраў вярчэння Зямлі. «Але інфармацыі ў мяне ніякай няма, каб нейкія праходзілі змяненні», — заключыў спецыяліст.

Нагадаем, Беларусь следам за Расіяй прыняла рашэнне не пераходзіць больш на зімовы час пачынаючы з восені 2011 года, пакінуўшы на сваёй тэрыторыі летні час назаўсёды.
Такім чынам, час у Беларусі, якая знаходзіцца ў адным часавым поясе з Украінай, Літвой і некаторымі іншымі краінамі, з лістапада па сакавік адрозніваецца ад часу ў гэтых краінах на адну гадзіну.

Пры гэтым некаторыя спецыялісты сцвярджалі, што Расія і Беларусь адмянілі не той час. Трэба было адмяніць якраз летні час, які для чалавека не з’яўляецца фізіялагічным і быў уведзены штучна для эканоміі энергарэсурсаў. Зімовы ж час у многіх краінах супадае са стандартным астранамічным. Краіны, якія не пераводзяць стрэлкі гадзіннікаў або адмовіліся ад пераходу, не выкарыстоўваюць якраз летні час.

0
мясцовы2 / Адказаць
21.09.2012 / 22:04
нічо, хуценька будзе і ў нас мінус адна гадзіна светла. кацапы толькі цемру сюды прыносяць.
0
голгл / Адказаць
21.09.2012 / 22:38
Надо переходить. Надоело в прошлом году утром ползать по цемрачы.
0
Alejandro / Адказаць
21.09.2012 / 22:41
1. Галыга гаворыць праўду. Мы застаемся на летнім часе і фактычна жывем па маскоўскаму часу. Няўжо і праўда гэта быў мудрагелісты план медведзяпутаў? Але навошта? 2. Галыга брэша, і мы ўсьлед за масквой вяртаемся ў свой часавы пояс. Падцьверджаньнем можа служыць тое, што БЧ усьлед за РЖД не прадае білеты пазьней 28 кастрычніка.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру