Перадавыя калгасніцы Аёваў апранаюцца во так. Фота «Дэйлі мэйл».
А перадавыя жыхаркі Горак захоўваюць вернасць шпількам. Фота Сяргея Гудзіліна.
«Дзіўна, чаму людзі не ходзяць на такія дыснэй-лэнды ў гумовых ботах? — так адрэагаваў на фотарэпартаж Сяргея Гудзіліна з Дажынак наш чытач з Амерыкі George. — На захадзе гэта даўно прынята: фестываль пад адкрытым небам або скокі на іпадроме — многія прыходзяць у гумовых ботах ад Gucci або Ralph Lauren еўра за 200 — і ўсё крута, нармальна адпачываюць. Напрыклад, во так, — піша ён і далучае фота перадавых калгасніц з брытанскіх і амерыканскіх аграгарадкоў, дадаючы. — Апранацца трэба па надвор’і і па ландшафце, так бы мовіць. А то скачуць на абцасах або ў вастраносых туфлях па гразі як ідыёты. І незразумела, што з’яўляецца першаснай дурасцю — ці то арганізатары свята ў брудзе, ці то людзі, якія прыйшлі на свята ў брудзе апранутымі, як на дыскатэку».
Даслаў чытач George
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
