Ва Украіне пачаліся пратэсты супраць фільма «Невінаватасць мусульманаў» 9
У сталіцы Крыма Сімферопалі прадстаўнікі крымскіх татараў праводзяць акцыю пратэсту супраць антыісламскага фільма «Невінаватасць мусульманаў».
Арганізатар акцыі — аўтаномная мусульманская суполка «Давет» («Запрашэнне»), якую назіральнікі звязваюць з забароненай у шэрагу краін партыяй Хізб-ут-Тахрыр (Ісламскай партыяй вызвалення).
Каля тысячы крымскіх татараў з чорнымі сцягамі Хізб-ут-Тахрыр трымаюць у руках плакаты з лозунгамі: «Адкіньце маўчанне!», «Гонар прарока — гонар мусульман».
Духоўнае кіраўніцтва мусульман Крыма выступіла супраць запланаванага мітынгу, расцаніўшы яго як «сродак піяру» Ісламскай партыі вызвалення.
Фільм, створаны рэжысёрам-аматарам з ЗША і размешчаны ў інтэрнэце, выклікаў хвалю пратэстаў і пагромаў у мусульманскіх краінах.