Беларусь працягвае бязмытны рээкспарт расейскіх нафтапрадуктаў пад выглядам растваральнікаў і разбаўляльнікаў, нягледзячы на заявы афіцыйнага Менску аб спыненьні гэтага бізнэсу, піша агенцтва Reuters.
«Беларусы сказалі, што зразумелі, але нічога не зразумелі», – цытуе Reuters: неназваную крыніцу ў расейскіх урадавых колах, –
«Яны працягваюць пампаваць растваральнікі (на экспарт). Мы гаворым пра мільёны тон».
Гэты ж расейскі ўрадовец у інтэрвію агенцтву ацаніў на мільярд даляраў страты расейскага бюджэту ад сёлетняга бязмытнага экспарту зь Беларусі 3-х мільёнаў тон нафтапрадуктаў пад выглядам растваральнікаў і разбаўляльнікаў.
Раней прэм'ер-міністар Беларусі
Міхаіл Мясьніковіч заявіў, што «апошні чыгуначны груз» з растваральнікамі быў адпраўлены зь Беларусі на экспарт 4 жніўня.Мясьніковіч зьбіраецца абмеркаваць сытуацыю з прэм'ер-міністрам Расеі Дзьмітрыем Мядзьведзевым у пятніцу – на саміце СНД ў Кіеве.