У блiжэйшыя днi вырашальны ўплыў на надвор’е ў нашай краiне будзе аказваць скандынаўскi антыцыклён, якi рухаецца цяпер у бок Польшчы.
Як паведамiла галоўны сыноптык Рэспублiканскага гiдрамэтцэнтру Вольга Фядотава, тэмпэратура паветра ўдзень у суботу—нядзелю — 8—14 градусаў, па паўднёвым захадзе — да 18 цяпла.
У панядзелак i на Радаўнiцу чакаецца сонечнае i цёплае надвор’е. Тэмпература паветра ўдзень 16—17 красавiка — 12—18 градусаў, а на Берасьцейшчыне й Гомельшчыне — да 20. Уначы ў гэтыя днi будзе яшчэ халаднавата — ад мiнус 2 да 5 градусаў цяпла.
Пасьля Радуніцы зноў схаладае.
