Кампанія, заснаваная ў 1992 годзе, адзін з найстарэйшых гульцоў на рэкламным рынку, адсвяткавала свой дзень нараджэння 28 верасня, правёўшы «Крэатыўны падвячорак». У мерапрыемстве ўдзельнічаў заснавальнік агенцтва Сяргей Восіпаў. Ён стаяў ля вытокаў беларускага інтэрнэту, зрабіў непасрэдны ўплыў на яго развіццё, а апошнім часам назіраў за тым, што адбываецца ў байнэце, збоку.
Бізнэсовец павіншаваў супрацоўнікаў кампаніі, а ў перапынку адказаў на некалькі пытанняў Onliner.by.
Успамінаючы пачатак прафесійнай дзейнасці Red Graphic, Сяргей Восіпаў паказаў самыя значныя працы кампаніі, з іроніяй ацаніўшы іх стыль і якасць выканання. Заснавальнік агенцтва адзначыў, што многія з распрацовак і сёння глядзяцца годна, нягледзячы на ўсе тэхнічныя складанасці, з якімі даводзілася сутыкацца ў мінулым.
Цяпер Сяргей Восіпаў працуе над праектамі для расійскага рынку, аднак плануе пашырыць сферу дзейнасці на іншыя краіны — Беларусь, Казахстан і Украіну. Беларускі рынак, лічыць ён, «моцна недаацэнены».
«Ёсць рэчы, якія мяне здзіўляюць. Напрыклад, здзіўляе вельмі маленькі памер беларускага рынку ў грашах. Ён несупастаўна маленькі. Калі параўноўваць з іншымі краінамі, то можна сказаць, што толькі Казахстан, можа быць, адстае ад Беларусі, там практычна няма рэкламнага рынку», — адзначыў ён.
Паводле словаў Восіпава,
замежныя інвестары з цікавасцю глядзяць на беларускі інтэрнэт, аднак існуюць пэўныя эканамічныя, сацыяльныя і іншыя прычыны, якія тармозяць іх прыход сюды.«Ім здаецца, што рынак жудасна недаацэнены, прапануюць тэрмінова інвеставаць. На іх думку, будзе сапраўдны бум, узлёт… Але ведаючы знутры ўсю „кухню“, разумееш: усё не так проста, аднымі інвестыцыямі справа не абмяжоўваецца. У той жа час байнэт — як спружына, якая паступова расцягваецца ўсё больш. Далей яна можа стрэліць, а можа і саскочыць. Беларускі інтэрнэт прапануе шырокія магчымасці зарабіць, але і выклікае боязь страціць грошы», — лічыць заснавальнік Red Graphic.
«Я аналізаваў рынкі Беларусі, Казахстана і Украіны. Памер — першае, што кідаецца ў вочы. Размаўляеш з мясцовымі пляцоўкамі, хто хоць нейкую рэкламу прадае. Гаворка ідзе пра мізэрныя сумы, яны несупастаўныя з аб’ёмам аўдыторыі. Не можа такі аб’ём людзей спажываць такі маленькі аб’ём рэкламы. Я ніяк не магу сабе гэтага растлумачыць. Ёсць загадка, якой я пакуль не разгадаў», — адзначыў бізнэсовец.
На яго думку, праблема ў недастатковай колькасці рэкламадаўцаў і, як выніку, грошай у галіны.«Байнэт нагадвае мне рунэт пяцігадовай даўніны. Для людзей, не звязаных з інтэрнэтам, як бізнэс ён з’явіўся адразу пасля крызісу, які ўдарыў па ўсіх старых медыях: рэклама на тэлебачанні ўпала трошкі, радыё апынулася практычна на падлозе, аб’ёмы друкаванай прадукцыі знізіліся ў два разы, а інтэрнэт — не. Упаў, але за пару гадоў значна адыграўся. Усе зразумелі, што па аб’ёмах ахопу ён набліжаецца да „класічных“ медыяў, і пачалі ўкладваць у яго грошы. У Беларусі ў нейкі момант разуменне такога стану рэчаў таксама павіннае прыйсці», — лічыць Восіпаў.
Каментуючы змены за мінулыя пяць гадоў, ён заявіў:
«Мне здаецца, што за пяць гадоў нічога асаблівага не адбылося. Байнэт як быў полем, на якім патэнцыйна можа нешта вырасці, так і застаўся ў тым жа стане.Нават праблема правайдараў засталася — пра нармальны „анлім“ за 10 баксаў тут можна толькі марыць, як я разумею? І „Белтэлекам“ застаўся? Ніякага буму стартапаў, як ва ўсім свеце і ў рунэце у тым ліку, тут не было. Многія беларускія пляцоўкі зарабляюць свае грошы, але пераадолець планку самаакупнасці або дасягнуць прыбытку, які дазволіць выйсці на біржу, яны не могуць. Байнэт
Каб часткова паўплываць на стан рэчаў, Сяргей Восіпаў збіраецца пачаць «заваёву» мясцовага інтэрнэту, пашырыўшы паспяховы, паводле яго словаў, расійскі бізнэс на Беларусь.