На гэтым тыдні чакаецца даволі дажджлівае надвор'е

Пра гэта паведаміла галоўны сіноптык Рэспубліканскага гідраметэаралагічнага цэнтра Людміла Парашчук 1 кастрычніка падчас відэабрыфінгу.

Паводле яе слоў, калі ў першы дзень кастрычніка ў Беларусі пераважае ціхае сонечнае надвор’е,

то ў аўторак прагназуюцца змяненні: пад уплывам атмасферных франтоў, што перамяшчаюцца з паўднёвага захаду Еўропы, неба зацягнуць аблокі і пачнуцца дажджы.

Тэмпература паветра ў дзённыя гадзіны складзе ад 13°С па поўначы да 22°С па поўдні краіны. Такія тэмпературы на 2–3°С перавысяць кліматычную норму для кастрычніка.

У сераду пераважна па паўднёва-ўсходняй палове Беларусі пройдуць кароткачасовыя дажджы, і ў асобных раёнах магчымыя навальніцы, ноччу месцамі чакаецца туман. Тэмпература паветра ноччу 6–13°С, па Гомельскай вобласці да 15°С. Максімальная днём 13–20°С, па паўднёвым усходзе Беларусі да 23°С.

У чацвер дажджоў будзе менш, з’явіцца больш працяглае праясненне. Максімальная тэмпература днём плюс 16–21°С.

У пятніцу днём франтальны раздзел з Заходняй Еўропы пачне пагаршаць надвор’е ў Беларусі. На большай частцы тэрыторыі пройдуць дажджы, тэмпература паветра мінімальная ноччу 6–13°С, максімальная днём 11–18°С.

Паводле папярэдняга прагнозу, у выхадныя пад уплывам маларухомага атмасфернага фронту на большай частцы Беларусі пройдуць дажджы.

Тэмпература паветра ноччу ў суботу 6–11°С, днём ад 10°С па паўночным захадзе да 19°С па паўднёвым усходзе краіны.

У нядзелю паўднёвы вецер зменіцца паўночна-заходнім, будзе халаднавата. У многіх раёнах Беларусі пераважная дзённая тэмпература 7–14°С

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ