18.04.2007 / 08:12

Мілінкевіч прапанаваў адкрыць Эўрапейскія цэнтры ва ўсіх ВНУ Беларусі 3

На ягоную думку, у рамках абранага курсу на дыялёг Рада Еўропы супольна з Эўрасаюзам павінны высунуць беларускаму ўраду прапанову адкрыць у ВНУ краіны падобныя цэнтры.

З ініцыятывай адкрыцця ва ўсіх вышэйшых навучальных установах Беларусі Еўрапейскіх цэнтраў інфармацыі пра правы чалавека і еўрапейскую дэмакратыю выступіў сёння ў Страсбуры лідэр дэмакратычных сіл Беларусі Аляксандр Мілінкевіч. На ягоную думку ў межах абранага курсу на дыялог, Рада Еўропы супольна з Еўрасаюзам павінны высунуць беларускаму ўраду прапанову адкрыць у ВНУ краіны падобныя цэнтры. Абмеркаванне ініцыятывы адбылося сёння на сустрэчы Аляксандра Мілінкевіча з генеральным сакратаром Рады Еўропы Тэры Дэвісам.

— Беларуская моладзь павінна мець магчымасць атрымліваць веды пра Еўропу і еўрапейцаў, правы чалавека і дэмакратыю непасрэдна з першакрыніц, а не праз прызму дзяржаўных тэлеканалаў і газет і часопісаў, — адзначыў Аляксандр Мілінкевіч.

Паводле прапанаванага праекту, рабочая назва якога «Дэмакратыя, адукацыя і Еўропа ў Беларусі», прадугледжваецца адкрыццё ва ўсіх вышэйшых навучальных установах Беларусі еўрапейскіх цэнтраў інфармацыі пра правы чалавека і еўрапейскую дэмакратыю.

На думку Аляксандра Мілінкевіча еўрапейскія цэнтры могуць быць створаныя на ўзор Цэнтра еўрапейскай дакументацыі ды інфармацыі, які сёння дзейнічае пры БДУ, але з прынцыповай розніцай — цэнтры павінны паўстаць ва ўсіх ВНУ Беларусі і каардынаваць іх працу павінны прадстаўнікі Рады Еўропы ці Еўрасаюза.

milinkevich.org

0
Калгасьнік / Адказаць
18.04.2007 / 11:15
Чамусьці нават камэнтаваць ня хочацца...
0
Aleś Jurkaviec to Калгаснік / Адказаць
18.04.2007 / 16:36
Аналягічна.
0
Марыман / Адказаць
18.04.2007 / 17:09
Absalutna nia maju nijakaha žadańnia kamentavać.
Каб пакінуць каментар, калі ласка, актывуйце JavaScript у наладах свайго браўзеру