08.10.2012 / 15:26

Выкладчыка Гродзенскага ўніверсітэта звальняюць за казку пра Пагоню 39

Свае казкі загадчык Інавацыйнага цэнтра юрыдычнай адукацыі Ігар Кузьмініч публікаваў у блогу.

Ігар Кузьмініч.

Імя новай магчымай ахвяры «зачысткі» ў Гродзенскім універсітэце імя Янкі Купалы ўжо вядомае. Гэта беларускамоўны выкладчык Ігар Кузьмініч, які да верасня 2012 г. быў намеснікам дэкана юрыдычнага факультэта.

Кузьмініч — высакаякасны спецыяліст. Ён таксама вядома як чалавек, які шмат рабіў для пашырэння беларускай мовы:
ад публікацый на спецыяльныя тэмы да беларускамоўных ялінак для дзяцей.

Як стала вядома рэдакцыі радыё «Твой стыль» ад супрацоўнікаў універсітэту, якія хацелі застацца невядомымі,

ад загадчыка Інавацыйнага цэнтра юрыдычнай адукацыі Ігара Кузьмініча вымагаюць напісаць заяву на звальненне па пагадненні бакоў.
Наколькі нам стала вядома, фармальнай прычынай для ціску сталі казка пра Пагоню і казка пра бел-чырвона-белы сцяг,
напісаныя сп-м Кузьмінічам і змешчаныя ў яго блогу.
У кастрычніку 2010 г. некаторыя з казак сп-ра Кузьмініча былі выдадзеныя ў выглядзе аўдыёкнігі «Казкі Жыцця Мікіткі і Данілка».
Сюжэт пра аўтара аўдыёкнігі быў паказаны нават па АНТ.

Тэлефон самога выкладчыка пакуль знаходзіцца па-за зонай дзеяння сеткі.

Нагадаем, што ў верасні з універсітэта быў звольнены гісторык Андрэй Чарнякевіч, а з яшчэ некалькімі выкладчыкамі адбыліся «прафілактычныя размовы» з удзелам супрацоўнікаў спецслужбаў.

0
Анатоль Сідарэвіч / Адказаць
08.10.2012 / 15:38
Некалі было масавае звальненне з Інстытуту гісторыі АН. Цяпер, падобна на тое, эпідэмія перакінулася ў Горадзен. Ці ўчыняе хто захады дзеля таго, каб аб падзеях у Горадзенскім універсітэце інфармавалася універсітэцкая і навуковая грамадскасць Еўропы. Па-мойму, трэба прыкласці намаганні, каб ГрДУ выключылі з усіх еўрапейскіх арганізацый, у якіх ён цяпер лічыцца. Азіятчыне няма чаго рабіць у Еўропе.
0
Евгений Максимович / Адказаць
08.10.2012 / 15:51
А кто, кто принуждает? Да давайте уже называть фамилии, проблема в том, что агентами лубянки в Беларуси пронизаны все структуры, начиная от местных, заканчивая республиканскими органами власти, всевозможных районо и даже завучей и директоров школ, еще больше так называемых агентов влияния, которые ненавидят белорусов. Вот мы и посмотрим кто там старается, откуда тянутся ниточки. Уважаемый Игорь Кузьмич, наберитесь мужества и расскажите кто этим занимается, кто куда вас там вызывал, беседовал, предлагал и т.п.
0
МН / Адказаць
08.10.2012 / 15:57
Трымайцеся, калегі! Падобным чынам напрыкацы 90-х-пач. 2000-х тагачасны рэктар Плецюхоў знішчаў Берасцейскі дзяржаўны ўніверсітэт: звольніў пару дзясяткаў выкладчыкаў. Ягоную брудную справу працягвае Часноўскі. Памятайма словы Я.Купалы: "А суд гісторыі цяжкі...". Моцы і веры вам! Жыве Беларусь!
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру