09.10.2012 / 15:34

Фотафакт: Універсітэт Лазарскага выпусціў рэкламныя буклеты беларускай лацінкай 38

ВНУ зацікаўленая ў прыняцці на вучобу беларускай моладзі, тлумачаць ва ўніверсітэце.

Варшаўскі ўніверсітэт Лазарскага выпусціў рэкламныя буклеты «Вучыся поспеху ў сталіцы Польшчы» па-беларуску. І не толькі кірыліцай, але і лацінкай.

Сяргей Калееў, які навучаецца ва ўніверсітэце і працуе ў Аддзеле замежнай рэкрутацыі, адказвае за набор у ВНУ беларусаў. Ён патлумачыў карэспандэнту «НН», што, паколькі Універсітэт зацікаўлены ў наборы беларусаў, то з’яўленне падобнай рэкламы па-беларуску падаецца цалкам натуральным.

Па словах Сяргея Калеева, кірыліца цяжка ўспрымаецца большасцю еўрапейцаў, адсюль і версія буклетаў на беларускай лацінцы. «Універсітэт зацікаўлены ў прыняцці на навучанне свядомай часткі беларускай моладзі», — падкрэсліў Сяргей.

Універсітэт Лазарскага — адна з вядучых ВНУ Польшчы. Заснаваны ў 1993 годзе. Навучанне ў ім праводзіцца па 32 спецыяльнасцях на польскай мове, таксама дзейнічаюць англамоўныя польска-брытанскія адукацыйныя праграмы.

СП

0
лямантар / Адказаць
09.10.2012 / 15:51
Усё разумею - навукоўцы, НН часткова лацінкаю 100 гадоў таму, але ці не больш істотная задача цяпер увогуле мову ратаваць, пашыраць яе поле ўжывання, а не вычварацца. Цікава, хто падказаў ім гэткі буклет зрабіць ;-)
0
Serg / Адказаць
09.10.2012 / 15:54
Наша мова можа стаць афіцыйнай у Еўразвязе, бо праз лацінку ўсім зразумела будзе.
0
Kus / Адказаць
09.10.2012 / 15:58
А калі НН пачне ўжываць нармалёвую беларускую лацінку ў ангельскай версіі, а не тое старохоцце, што цяпер?
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру