11.10.2012 / 19:01

БТ паабяцала «захапляльныя сюжэты і рэпартажы для натхнення актывістаў апазіцыі» 4

Белтэлерадыёкампанія адрэагавала на акцыю супраць дзяржаўнай прапаганды.

Белтэлерадыёкампанія выказала ўдзячнасць арганізатарам флэшмоба, прысвечанага дзяржаўнай прапагандзе, які прайшоў у Мінску 11 кастрычніка.

Нагадаем, актывісты маладзёжнай ініцыятывы «Альтэрнатыва» правялі флэшмоб супраць дзяржаўнай прапаганды.

Каля рэстарана «МакДональдс» на вуліцы Няміга маладыя людзі ўстанавілі стары савецкі тэлевізар, экран якога быў абклеены лагатыпамі дзяржаўных беларускіх тэлеканалаў. На тэлевізар яны паставілі талерку з локшынай, якую таксама раскідалі вакол.
Каля тэлевізара была ўстаноўлена таблічка з надпісам «Ахвяраванні на заробак БТ». Вакол таблічкі былі раскіданы скамечаныя дробныя купюры.

Як гаворыцца ў каментарыі Белтэлерадыёкампаніі,

«такая ўвага да дзяржаўнага тэлебачання нават віртуальных грамадскіх ініцыятыў у стагоддзе камп’ютарных тэхналогій, усеагульнага засілля Ipadов і твітэра каштоўная як ніколі раней».
«Гэта дае нам упэўненасць у тым, што праца журналістаў БТ нікога не пакідае абыякавым. Творчы патэнцыял апазіцыйных актывістаў, не рэалізаваны падчас выбарчай кампаніі, нарэшце пачаў знаходзіць свой выхад», — зазначае прэс-служба кампаніі.

«У сваю чаргу Белтэлерадыёкампанія яшчэ неаднаразова прапануе захапляльныя сюжэты і рэпартажы, неабходныя для наступнага натхнення невядомых актывістаў апазіцыі», — абяцае прэс-служба.

Белтэлерадыёкампанія выступае «за пазітыўную творчасць».

«Асобная ўдзячнасць за бясплатны піяр нашай кампаніі. Гэтыя старанні сапраўды неацэнныя», —
заяўляе прэс-служба.

0
Супраць лукашэнкаўскай прымітыўнай БТ. / Адказаць
11.10.2012 / 19:51
БТ, а што гэта такое, БОТЫ, напэўна?!
0
аноним / Адказаць
11.10.2012 / 19:56
ты смари, они еще и издеваются! пускают там анонимки, тасуют факты и называют это творчеством!
0
Жур / Адказаць
11.10.2012 / 20:07
Яны лічаць сябе журналістамі бо ўмеюць складаць складаназалежныя сказы? Адна надзея, што іхні цынізм - тонкая абалонка далікатнай, уразлівай душы ;)
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру