На пошук брэнду Мінска выдаткавана 300 мільёнаў рублёў а што на Вашу думку можа быць сімвалам Мінска? 2

Удзельнікі праекта «Брэнд „Мінск“ шукаюць сімвалы, якія б адлюстроўвалі „мінскасць“,

заявіла кіраўнік праекта Наташа Гранд 16 кастрычніка на прэс-канферэнцыі ў Мінску.

„Мы не шукаем нейкі адзін знак — Нацыянальную бібліятэку ці Траецкае прадмесце — мы выказваем „мінскасць“ — тое, што ўласціва ўсім мінчукам: як яны працуюць, гавораць, ставяцца да людзей і свету“, —

заявіла Гранд.

Яна паведаміла, што

з дзяржаўнага бюджэту на стварэнне брэнда Мінска выдзелена трыста мільёнаў рублёў,

аднак гэтага для падобных дарагіх праектаў недастаткова. „Паколькі мы вызнаем ідэю таго, што брэнд ствараецца калектыўна, у тым ліку і прадстаўнікамі гарадскога бізнэсу, для нас важна прыцягнуць партнёраў“, — рэзюмавала Гранд.

На яе думку людзі, якія жывуць у беларускай сталіцы, не да канца разумеюць, што для іх азначае гэты горад, таму

ў рамках праекта „Брэнд „Мінск“ ініцыяваныя міні-праекты з мэтай вызначыць музыку Мінска, шрыфт Мінска, колеры Мінска, вулічную ежу Мінска, дзіцячыя праекты Мінска

і іншыя аспекты ва ўспрыманні горада“. Гэтыя праекты вядуць мінчукі-валанцёры. Пазней да іх далучацца прадстаўнікі бізнэсу», — распавяла Гранд.

Трэці міжнародны форум «Імідж Рэспублікі Беларусь: час дзейнічаць» пройдзе ў Мінску 6–7 снежня.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ