Сёння ў парку Горкага можна будзе бясплатна паназіраць у тэлескоп за Месяцам

У Цэнтральным дзіцячым парку імя Горкага 20 кастрычніка з 17.00 да 22.00 пройдзе акцыя, прысвечаная Міжнароднаму дню астраноміі,

паведамілі ў прэс-службе Беларускага дзяржаўнага ўніверсітэта. Праграму падрыхтавалі супрацоўнікі Абсерваторыі БДУ, Мінскага планетарыя, клуба аматараў астраноміі «Аш-Ню» Мінскага дзяржаўнага палаца дзяцей і моладзі.

На набярэжнай ракі Свіслач любы ахвотны зможа бясплатна паглядзець у тэлескопы розных мадэлей і ўбачыць кратэры і горы Месяца.

У прэс-службе адзначылі, што Месяц 20 кастрычніка будзе бачны ў фазе першай чвэрці, што вельмі зручна для назірання.

Наведвальнікі змогуць таксама паслухаць тэматычныя лекцыі ў планетарыі, убачыць фотавыставу рэдкіх касмічных здымкаў.

Дэманстрацый сферычных фільмаў пад купалам планетарыя пачнецца ў 20.00.

Астранамічная ліга пачала папулярызаваць вясновы і восеньскі Дні астраноміі з 2007 года. Вясновы Дзень астраноміі звычайна адзначаецца ў адну з субот з сярэдзіны красавіка да сярэдзіны мая, паблізу або перад першай чвэрцю Месяца. Восеньскі — з сярэдзіны верасня да сярэдзіны кастрычніка. Тыдзень з панядзелка да нядзелі, які ўключае Дзень астраноміі, называецца Тыднем астраноміі.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ