23.10.2012 / 19:15

Хто заменіць Русецкага? Прэтэндэнтаў як ніколі шмат 4

Абіраць кіраўніка Акадэміі Навук будзе кіраўнік дзяржавы.

23 кастрычніка Аляксандар Лукашэнка падпісаў загад аб вызваленні Анатоля Русецкага ад пасады старшыні прэзыдыюму Нацыянальнай акадэміі навук Беларусі ў сувязі з пераходам на выбарную пасаду. Гэтае рашэнне чакалася, бо спадара Русецкага днямі абралі намеснікам старшыні савету рэспублікі — верхняй палаты нацыянальнага сходу.

Хто заменіць Анатоля Русецкага ў Акадэміі навук? Крыніцы «Свабоды» ў акадэміі на гэтае пытанне не даюць пэўнага адказу.

Усе кажуць, што прэтэндэнтаў гэтым разам як ніколі шмат, а выбар зробіць Аляксандар Лукашэнка.

Дарэчы, Анатоля Русецкага, як і яго папярэдніка Міхаіла Мясьніковіча, прызначыў кіраваць акадэміяй непасрэдна Аляксандар Лукашэнка. Прычым

раней, паводле статуту акадэміі, яе кіраўнік абіраўся выключна з навуковай эліты — акадэмікаў. Але пасля прызначэння спадара Мясьніковіча статут змянілі.

А раней першую асобу ў Акадэміі навук абіралі на агульным сходзе. У ім удзельнічалі акадэмікі, члены-карэспандэнты, дырэктары акадэмічных інстытутаў, а таксама абраныя навуковыя супрацоўнікі з квотай у залежнасці ад памераў інстытуту.

Апошні раз прэтэндэнты былі чатыры: Аляксандр Вайтовіч, Андрэй Ганчарэнка, Анатоль Дастанка і Анатоль Рубінаў. Тады ўжо ў першым туры перамог спадар Вайтовіч, які набраў больш за палову галасоў удзельнікаў агульнага сходу.

0
Алесь Б. / Адказаць
23.10.2012 / 19:33
мажліва, Абламейка зменіць пасаду рэктара на пасаду старшыні НАН Беларусі?
0
66666666... / Адказаць
23.10.2012 / 21:09
Ды зараз хоць Міколку акадэмікам прызначыць бацян - уся краіна ўмыецца памыямі і будзе ў поўнай згодзе! Вось да чаго дажылі...
0
Мэнсан Мандэла / Адказаць
24.10.2012 / 09:16
Ды якая ўжо розніца, хто будзе пастушком? Акадэмію навук даўно адфільтравалі ад сумленных і годных, яшчэ пры Мясніковічы, а мо' і раней. Няхай выводзяць сваю ГМА-бульбу і радуюцца, што пакуль маюць магчымасць называцца навукоўцамі.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру