Кіраўнік прэс-службы прэзідэнта Павел Лёгкі прызначаны дарадцам пасольства Беларусі ў Расіі. Гэта прадугледжана пастановай Савета міністраў Беларусі № 957 ад 22 кастрычніка. Дакумент зарэгістраваны ў Нацыянальным рэестры прававых актаў Рэспублікі Беларусь, але пакуль афіцыйна не апублікаваны.
Лёгкі не стаў каментаваць сваё прызначэнне, паведаміўшы толькі, што "заўтра дакладна так жа, як і сёння", выйдзе на сваё працоўнае месца ў Адміністрацыі прэзідэнта.
Павел Лёгкі ўзначальвае прэс-службу з 2003 года і змяніў на гэтай пасадзе Дзмітрыя Жука, які быў прызначаны рэдактарам дзяржаўнага інфармагенцтва БелТА. Разам з кіраўніком прэс-службы прэзідэнта раней у Аляксандра Лукашэнкі таксама быў прэс-сакратар. Апошнім, хто працаваў у гэтай пасады (да 2004 года), была Наталля Пяткевіч.
