25.10.2012 / 14:42

Нацбанк выпусціў памятную манету «Данскі конь» 6

Нацыянальны банк Беларусі сёння ўводзіць у абарачэнне сярэбраную памятную манету «Данскі конь» серыі «Коні» наміналам Br20, пробай сплаву 925, масай 31,1 г.

Манета мае прамавугольную форму памерам 45×30 мм. З правага і адваротнага бакоў — кант, што выступае па перыметры. Бакавая паверхня манеты з насечкай.

Аверс: уверсе злева — рэльефны відарыс Дзяржаўнага герба Рэспублікі Беларусь; у цэнтры — выява двух коней, якія скачуць стрымгалоў, яны сімвалізуюць дынаміку, скорасць і сілу; уверсе надпіс: РЭСПУБЛІКА БЕЛАРУСЬ; унізе злева направа — намінал 20 РУБЛЁЎ, проба сплаву і год чаканкі.

Рэверс: у цэнтры — рэльефны відарыс данскога каня на фоне арнаменту, складзенага з агнястрэльнай зброі (пісталетаў), справа — выкананы метадам тампадруку відарыс афіцэра Данскога казацкага войска перыяду вайны 1812 года вярхом на данскім кані; злева надпіс: ДАНСКІ КОНЬ.

Манета выраблена на манетным двары ТАА «Б. Х. Маерс Кунстпрэгенштальт», Карлсфельд, Германія, якасцю «пруф», тыражом да 6 тыс. штук.

Выпушчаная ў абарачэнне памятная манета з’яўляецца законным плацежным сродкам Рэспублікі Беларусі і абавязковая для прыёму па намінальнай вартасці ва ўсіх відах плацяжоў без усялякіх абмежаванняў.

0
Ranger / Адказаць
25.10.2012 / 14:52
Чакаем манету ДРАЗДОЎСКІ АСЁЛ.
0
Danik / Адказаць
25.10.2012 / 16:39
Ой сівы конь бяжыць На ім бела грыва Ой спадабалася Ой спадабалася Мне тая дзяўчына Ня так та дзяўчына Як яе лічанька Ой падай дзяўчына Ой падай дзяўчына На коня ручаньку Рукі не падала Тры словы сказала Няхай бы я жыла Няхай бы я жыла Каханьня не знала Бо тое каханьне Звячора да раньня Як сонейка ўзыйдзе Як сонейка ўзыйдзе Каханьне разыйдзе
0
Яраш / Адказаць
25.10.2012 / 16:55
Дах едзе ад гэтых бульбашоў. Данскі конь...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру