Былая прэм’ер-міністр Украіны, асуджаная на 7 гадоў зняволення, Юлія Цімашэнка звярнулася да ўкраінцаў праз сваю дачку Яўгенію і параіла ім прыйсці на парламенцкія выбары [28 кастрычніка] і пераканаць у гэтым сваіх блізкіх.
У пачатку свайго звароту Цімашэнка выбачылася перад украінцамі.
«Я выбачаюся за кожнае рашэнне, якое паўплывала на вяртанне неадыктатуры», — зачытала зварот маці Яўгенія Цімашэнка.
Цімашэнка дала украінцам 5 парадаў.
Першае: скарыстацца сваім правам голасу, прыйсці прагаласаваць і адхіліць ад улады алігархаў. Другое: прагаласаваць за адзінага ўзгодненага кандыдата ад Аб’яднанай апазіцыі «нават калі ён вам не падабаецца і нічога вам не даў». Трэцяе: не звяртаць увагу на галоўную тэхналогію ўлады, быццам улада і апазіцыя — адно і тое ж. Чацвёртае: не галасаваць за фіктыўныя апазіцыйныя партыі.
«Не аддайце свой голас фальшывым апазіцыянерам, нават калі вельмі хочацца і рука сама цягнецца».
Таксама Юлія Цімашэнка папрасіла ўкраінцаў пераконваць сваіх родных і блізкіх галасаваць за апазіцыйныя сілы, выкарыстоўваючы для гэтага матэрыялы журналісцкіх расследаванняў.
Юлія Цімашэнка таксама звярнулася да журналістаў і папрасіла палітыкаў спыніць супрацьстаянне.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары