25.10.2012 / 16:19

Умераныя і радыкалы: новае раз’яднанне апазіцыі 22

Старыя песні пра галоўнае. Апазіцыя зноў займаецца аб’яднаннем. Гэтая тэма загучала падчас выступаў на Форуме-2000 у Празе.

Напрыклад, праваабаронца Людміла Гразнова лічыць, што апазіцыя падзеленая на тых, хто: 1) працуе з грамадствам і 2) змагаецца з Лукашэнкам. Другую групу Гразнова назвала радыкальнай.

Дзіўны падзел, хіба першае выключае другое, і наадварот? Але няхай, пакінем.

Сайт радыё «Свабода» перадае словы сябра Руху «За Свабоду» Алеся Лагвінца, што беларускае грамадства не гатовае да пераменаў, апазіцыя слабая, а «радыкалы» выдаюць жаданае за рэальнае.
Зноў нейкія «радыкалы».
Людміла Гразнова мяркуе, што саспелі ўмовы для стварэння ўмеранай апазіцыі, якую складуць Рух «За Свабоду», «Гавары праўду», сацыял-дэмакраты, Партыя БНФ і «Справядлівы свет».

Няма, скажам, БХД, АГП.

Дык выходзіць, што прафесар Багданкевіч — радыкальная апазіцыя?
Павел Севярынец таксама? Калі ў разуменне Гразновай «радыкалы» — гэта тыя, хто змагаецца з аўтарытарнай уладай, то так, і Багданкевіч, і Севярынец з’яўляюцца радыкаламі.
Апазіцыя ведала шмат кааліцый і размежаванняў па наступных прынцыпах: «правыя» — «левыя», «прарасійскія» — «праеўрапейскія» (хтосьці яшчэ памятае БНБ?). Урэшце аказвалася, што ўсё гэта не больш, чым фармальнасць.
Потым арганізацыі і асобы з адной кааліцыі плаўна перацякалі ў іншыя.
Умераныя і радыкалы — гэта хутчэй новае раз’яднанне, чым аб’яднанне.
Для чаго размяжоўвацца з тымі, з кім плывеш у адной лодцы?
Інтэрнэт-выбары, на прыклад тых, што прайшлі ў расійскай апазіцыі, сапраўды б дазволілі пабачыць, якая пазіцыя карыстаецца падтрымкай грамадства, а каму можна смела сказаць «давай, да свіданья».
І не трэба ніякіх «умераных» і «радыкальных» кааліцый.

Зміцер Панкавец

0
а тым часам / Адказаць
25.10.2012 / 16:26
электарат скупляе гарэлку скрынямі. І пофіг ім у аднолькавай ступені і на радыкалаў, і не-радзі-калаў.
0
Іван / Адказаць
25.10.2012 / 16:39
Мілінкевіч у свой час адыграў пазітыўную ролю, з'яднальнікам быў, новым тварам. А цяпер пачынае граць негатыўную ролю такімі задумамі.
0
Димыч / Адказаць
25.10.2012 / 16:40
Статья никакая. Меркаваньни бывшей либералки Грязновой из ОГП тем более варты смеху. Предлагаю сперва определиться, спадарства. Для того, чтобы не плутать в лесу кто такие оппозиционеры или не оппозиционеры, кто такие радикалы или умеренные нужна научная политическая классификация партий и движений. Для начала предлагаю рассмотреть все существующие партии и движения в Беларуси по одному признаку (их может быть много): Они борются реально с режимом или они лишь имитируют борьбу с режимом. Это нужно для того, чтобы всем нам четко определиться по признаку: оппозиция - псевдооппозиция.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру