26.10.2012 / 16:46

Беларус у ролі Кутузава: у пракат выходзіць фільм «1812: Уланская балада» + трэйлер 5

Ад 1 лістапада — у мінскіх кінатэатрах.

На экраны выходзіць стужка «1812: Уланская балада», знятая да юбілею вайны з Напалеонам. Бюджэт фільма Алега Фісенкі складае 5 мільёнаў даляраў.

Разам з Сяргеем Бязрукавым, Уладзімірам Гасцюхіным, Вольгай Кабо ў фільме зняўся і акцёр Купалаўскага тэатра Сяргей Журавель. Ён іграе Кутузава.

У галоўнай ролі ўлана Гаржэўскага — Сяргей Бязрукаў. Не дзіўна: расійскае патрыятычнае кіно з кімсьці іншым у галоўнай ролі — гэта амаль нонсэнс сёння.

Сюжэт фільма — нешта сярэдняе між творамі старэйшага Дзюма і фільмам «У жніўні 44-га» з папраўкай на напалеонаўскія часы.
1812 год. Напярэдадні бітвы пры Барадзіно
сакрэтны агент Напалеона выкрадае план бітвы. Пра гэта даведваецца Кутузаў, ён накіроўвае на перахоп агента ў Польшчу трох спецназаўцаў. Прабачце: «самых хвацкіх» уланаў.
План бітвы трапляе ў рукі маладога расійскага двараніна і польскай князёўны, «на сэрца якой прэтэндуюць сакрэтны агент і польскі афіцэр»… Усё гэта адбываецца на фоне бурлівага рамана Напалеона і графіні Валеўскай…

У фільме будзе маштабная Барадзінская бітва (Мінулы раз расійскі кінематограф здымаў яе падчас экранізацыі «Вайны і міра» Талстога — без кампутарных тэхналогій, сіламі пераапранутых ваеннаслужачых).

Таксама будуць акрабатычныя экзэрсісы Бязрукава, які пры дапамозе шаблі знішчае дырыжабль (?!), і абураецца з характэрнай інтанацыяй: «Мяне, баявога афіцэра, ў шпіёны?!»…
Ну рыхтык анекдот пра савецкі завод: якіх бы запчастак там ні накраў, усё адно з іх складзецца кулямёт «Максім».

ЮУ

0
Барадзед / Адказаць
26.10.2012 / 22:10
Эх, не тая ў нас ужо гравітацыя! Раней людзі лёталі, як лістота восеньская, а цяпер..
0
Алень / Адказаць
27.10.2012 / 14:53
Знішчыў хранцузам толькі дырыжабль, бо ядзерную ракету шабляй нават такому герою заскладана.
0
Ranger / Адказаць
27.10.2012 / 20:36
Думаю гэта кіно зьнята сьпецыяльна для Беларусі. Бо ў нас ужо пачалі праўду казаць пра руска-французскую вайну. Імперыя наносіць удар у адказ. Але мы ведаем, што беларусы змагаліся супраць маскаля на баку Напалеона, бо ён абяцаў адрадзіць ВКЛ.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру