27.10.2012 / 10:01

Лукашэнка абурыўся сітуацыяй вакол мінскага стадыёна «Дынама» 1

Выступаючы 26 кастрычніка на Алімпійскім сходзе, Аляксандр Лукашэнка выказаў абурэнне сітуацыяй вакол мінскага стадыёна «Дынама».

Нягледзячы на ​​тое, што рашэнне аб яго рэканструкцыі даўно прынята, практычна нічога не робіцца — няма ні інвестара, ні нармальнага архітэктурнага рашэння.

«Займіцеся прынцыповым чынам, — прыводзіць словы Лукашэнкі прэс-служба прэзідэнта. — І гэта прама пад вокнамі Мінспорту! Гэта датычыцца ўсёй спартыўнай інфраструктуры».

У той жа час, каментуючы скаргі на пастаянны недахоп чагосьці для дасягнення высокіх вынікаў, афіцыйны лідар правёў паралель з Кубай, спартсмены якой, нягледзячы на ​​эканамічную блакаду краіны і звязаныя з гэтым «велізарныя цяжкасці», дамагаюцца добрых вынікаў на міжнародных спаборніцтвах.

«Усё для таго, каб сёння выдаваць вынік па асноўных відах, ёсць, — лічыць Лукашэнка. — Таму гэтыя размовы, што не хапае палёў або басейнаў, трэба заканчваць».

Пачатак рэканструкцыі «Дынама» неаднаразова адкладваўся. Чарговы тэрмін — 1 снежня 2012 года, пасля заключнага хатняга матчу барысаўскага БАТЭ ў групавым турніры Лігі чэмпіёнаў.

Тэндэр на рэканструкцыю стадыёна агульным коштам каля 145 млн. еўра выйграла венгерская інжынірынгавая кампанія «Грабаплан».

Зараз ідзе ўзгадненне фінансавых умоў рэалізацыі сумеснага праекта, паведаміла 26 кастрычніка намеснік міністра замежных спраў Алена Купчына.

0
Paliasouschtschyk / Адказаць
01.11.2012 / 14:35
Hrobic` nacyiu - pachan : Jon zdziajsniaie <> !
Каб пакінуць каментар, калі ласка, актывуйце JavaScript у наладах свайго браўзеру