Знакаміты хмарачос «Эмпайр Стэйт Білдынг» на рагу 5-й авеню ў цемры. У некаторых раёнах Нью-Ёрка прапала электрычнасць. Фота з суполкі Hurricane Sandy Updates у фэйсбуку.
Цемра на Манхэтане. Свецяцца толькі будынкі, у якіх ёсць аўтаномныя электрагенератары. Фота з суполкі Hurricane Sandy Updates у фэйсбуку.
Паліцыя перакрыла доступ да акіяну. Легкадумныя падарожнікі могуць загінуць ад раптоўных хваляў. Фота Анатоля Старкова.
Салёная вада заліла сем ліній метро. Фота Асашыэйтэд прэс.
Асаблівасці жыцця на беразе акіяна: на некаторых станцыях хваля, прыгнаная ветрам, аказалася вышэйшай за мяхі з пяском, якімі абклалі ўваходы. Фота з суполкі Hurricane Sandy Updates у фэйсбуку.
Манхэтан бароніцца ад вялікай вады. Фота Ройтэрз.
На ўзбярэжжы. Фота з суполкі New Yorkers у фэйсбуку.
На ўзбярэжжы. Фота susanpolgar.blogspot.com.
Затоплены атракцыён у Бруклінскім парку. Фота з суполкі Hurricane Sandy Updates у фэйсбуку.
Затоплены паркінг. Фота Getty Images.
Фота Ройтэрз.
Паводле апошняй інфармацыі, ахвярамі ўрагану «Сэндзі» ў ЗША і Канадзе сталі больш за 10 чалавек, паведамляе Бі-Бі-Сі.
Выбух на адной з падстанцый Нью-Ёрка.
У эпіцэнтры стыхіі апынуліся і беларусы. «Да таго, што дом хістаецца, я прызвычаіўся, ён цэлы дзень хістаецца. А вось што электрычнасць скача, усё часцей і часцей лямпачка міргае, мне не падабаецца. Бо што рабіць без інтэрнету і камп’ютара?», — Яўген Іванюк, які жыве ў Нью-Ёрку, рэгулярна выкладае навіны з затопленага горада ў фэйсбуку.
«Дазваніўся да сябра, ён жыве ў Коні-Айланд, там вада па першы паверх, машыны пазатаплівала, электрычнасці няма. (…) Быў толькі што на вуліцы, вецер моцны ў некалькіх блоках ад мяне ўжо няма электрычнасці, паваленыя дрэвы і вялікія галіны. (…) Калі раптам перастану пісаць, то ў мяне адключыла электрычнасць, бо з навінаў выглядае, што частка Брукліна абясточаная».
Іншы беларус з Нью-Ёрку Юрась Зянковіч піша ў сваім дзённіку, што хаваецца ад «Сэндзі» ў Каларада. Для яго гэта шчаслівая выпадковасць: «Шмат хто падумаў, што я эвакуяваўся, але насамрэч квіток у мяне быў набыты яшчэ тры тыдні таму. І вельмі ўдала: сёння і заўтра, калі нават гарадзкі транспарт спыняецца, аэрапорты будуць зачыненыя. А я вылятаў учора ўвечары, у вельмі добрае надвор’е».
27 гадзін урагану за 2 хвіліны.