Пачаўся збор сродкаў на помнік Вінцэнту Гадлеўскаму ў Трасцянцы

Актывісты Беларускай Хрысціянскай Дэмакратыі і Маладога Фронту ініцыявалі збор сродкаў на ўсталяванне помніка ксяндзу-адраджэнцу Вінцэнту Гадлеўскаму.

Ужо распрацаваныя шыльды, якія плануецца павесіць у месцах, звязаных з жыццём і дзейнасцю Гадлеўскага: у Вільні, Мінску, Жодзішках, паведаміў сайт БХД.

Таксама ідзе збор подпісаў па перайменаванні назваў савецкіх вуліц у гонар святара ў гарадах, дзе ён служыў — у Глыбокім, Мёрах, Гродне і Слоніме.

У Трасцянцы, месцы расстрэлу гестапаўцамі Вінцэнта Гадлеўскага, плануецца ўсталяваць помнік.

24 снежня, ў 70-ю гадавіну гібелі святара, пройдуць мемарыяльныя мерапрыемствы.

Айцец Вінцэнт Гадлеўскі (нар. у 1898) у пачатку ХХ стагоддзя адным з першых пачаў служыць у касцёле па-беларуску.

Ён браў удзел ва Усебеларускім з’ездзе 1917,

уваходзіў у Раду БНР, пераклаў на беларускую мову Новы Запавет,

быў заснавальнікам Беларускай хрысціянскай дэмакратыі і рэдактарам газеты «Крыніца».

Польскія ўлады саджалі яго ў турму за беларускую дзейнасць.

Падчас нямецкай акупацыі

быў галоўным школьным інспектарам пры генеральным камісарыяце Беларусь, служыў у Чырвоным касцёле ў Мінску. З часам пачаў крытыкаваць нямецкую палітыку ў дачыненні да беларускага народа.

Быў арыштаваны нямецкай паліцыяй у Мінску ў ноч на 24 снежня 1942. Быў