Мінскі міліцыянер застрэліўся на працоўным месцы

Пра тое, што ў гарадскім аддзеле міліцыі № 2 Фрунзенскага РУУС Мінска, размешчаным на вуліцы Адзінцова, 47, проста падчас нясення службы застрэліўся аператыўны дзяжурны, паведаміў ананімны карыстальнік.

Ва Упраўленні Следчага камітэта па Мінску заявілі, што ў СК крымінальнай справы па гэтым выпадку няма, а чуткі тут каментаваць не могуць.

Некаторыя падрабязнасці удалося атрымаць толькі ад крыніцы. якая пажадала застацца неназванай.

Паводле яе слоў, усё адбылося ў ноч на 30 кастрычніка ў пакоі адпачынку аддзялення. Афіцэр міліцыі стрэліў сабе ў скронь з пісталета Макарава і загінуў імгненна. У гэты час на суседнім ложку адпачываў эксперт-крыміналіст таго ж аддзялення — куля прайшла навылёт літаральна ў некалькіх сантыметрах ад яго. Міліцыянт пры гэтым атрымаў настолькі сур’ёзны стрэс, што яму спатрэбілася дапамога спецыяліста-псіхолага.

Вядома, што ў загінулага міліцыянта засталіся жонка і двое дзяцей.

Ні праблем у сям’і, ні якіх-небудзь непрыемнасцяў па службе ў яго не было, а ў кіраўніцтва ён знаходзіўся на добрым рахунку. Што менавіта вымусіла супрацоўніка міліцыі звесці рахункі з жыццём, так і засталося загадкай.

На жаль, гэтая трагедыя далёка не першая ў гісторыі беларускай міліцыі. Толькі за апошнія гады здзяйснялі самагубства міліцыянты ў Бярозе і Магілёве, а ў Шчучыне нядаўна звольніўся супрацоўнік МУС забіў дачку, параніў жонку і застрэліўся сам.

tut.by

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм