Урадам і Нацбанкам падрыхтаваны праекты нарматыўных прававых актаў па павелічэнні аб’ёму паступлення валютнай выручкі і скарачэнні знешняй дэбіторскай запазычанасці.Пра гэта праінфармавала 2 лістапада старшыня праўлення Нацыянальнага банка Надзея Ермакова на нарадзе з удзелам Аляксандра Лукашэнкі, паведаміла
Паводле слоў Ермаковай, знешняя дэбіторская запазычанасць па экспарце на 1 верасня 2012 года склала 3,2 млрд. долараў, павялічыўшыся з пачатку года на 1 млрд.«Прычынай стала павелічэнне фізічных аб’ёмаў экспарту, а таксама неабходнасць асваення новых рынкаў збыту прадукцыі, што прадугледжвала адтэрміноўку плацяжу на больш працяглыя тэрміны», — патлумачыла яна.
Падрыхтаваныя праекты нарматыўных прававых актаў прадугледжваюць, у прыватнасці, забарону на дагаворы навацыі для спынення знешнегандлёвых аперацый (гэта значыць забарону на замену абавязацельстваў па паступленні валютнай выручкі іншымі абавязацельствамі).
Прапаноўваецца таксама забараніць працяг тэрмінаў паступлення валютнай выручкі па рээкспарце. Апрача таго, зазначыла Ермакова, беручы пад увагу крытыку з боку Камітэта дзяржкантролю, Нацбанк прапаноўвае скараціць раней павялічаныя тэрміны паступлення валютнай выручкі па асобных катэгорыях тавараў з 720 да 540 дзён.
Кажучы пра асноўныя тэндэнцыі за дзевяць месяцаў гэтага года, кіраўнік Нацбанка зазначыла, што за гэты перыяд склалася станоўчае гандлёвае сальда, і гэта «садзейнічала стварэнню золатавалютных рэзерваў краіны ў памеры двухмесячнага імпарту, а таксама своечасовым разлікам па знешніх абавязацельствах урада і Нацбанка». «Апрача таго, быў створаны спрыяльны фон для стабілізацыі сітуацыі на наяўным валютным рынку», — сказала Ермакова.
