Сярод гасьцей фэстывалю былі прадстаўнікі беларускіх і польскіх палітычных партыяў, старшыня непрызнанага афіцыйнымі ўладамі Саюзу палякаў Анжаліка Борыс, яе намесьнік Юзэф Пажэцкі, старшыня Беларускага гістарычнага таварыства ў Польшчы Алег Латышонак, дэпутат Эўрапэйскага парлямэнту, загадчык Дэлегацыі па справах адносінаў зь Беларусяй Богдан Кліх.
У часе фэстывалю адбылася прэзэнтацыя новых кніг Аленга Латышонка, Малгожаты Ноцунь і Анджэя Бжэзецкага. Юры Хашчавацкі прэзэнтаваў фільм «Плошча». Выступяць гурты MaZHenta, Тройца, Таварыш Маўзэр. Гарадзенка Кацярына Межавец прадставіла фотавыставу «Тутэйшыя».
Арганізатарамі фэстывалю выступіў Інстытут усходнеславянскай філялёгіі і адчыненых лекцый Таварыства гісторыі ўсходняй Эўропы Інстытута гісторыі Ягелёнскага ўнівэрсітэту.
Да фэстывалю быў адчынены адмысловы сайт, на якім можна падрабязьней даведацца пра фэстываль.
