2 лістапада ў Гомельскую гарадскую бальніцу № 1 быў дастаўлены жыхар вёскі Яроміна 1950 года нараджэння, з дыягназам "траўматычная ампутацыя 1-га, 2-га, 3-га пальца правай кісці".Траўму, паводле слоў пацярпелага, ён атрымаў дома ў выніку абыходжання з неўстаноўленым прадметам, які знайшоў на вуліцы.
Як паведамілі ў прэс-службе УУС Гомельскага аблвыканкама, пры аглядзе дома былі канфіскаваныя пашкоджаны ўзрывальнік і клямка ўзрывальніка. Згодна з актам групы размінавання в/ч 5525, прадметам, што нанёс траўму мужчыне, з'яўляецца ўніверсальны запал ручной гранаты мадыфікаваны.
3 лістапада ў Жыткавіцкім раёне ў міліцыю паступіла паведамленне ад лесніка пра тое, што ў лясным масіве ў яме пад слоем грунту, у часткова гнілой драўлянай скрыні, знойдзена выбуховае рэчыва тол сульфітны прэсаваны. Выклікана група размінавання. Праводзяцца праверка і экспертызы.
0
0
0
0
0
0