11.11.2012 / 15:35

Нясвіжскі палац упершыню з часоў Радзівілаў прыняў баль 11

У ноч з 10 на 11 лістапада ў Нацыянальным гісторыка-культурныммузеі-запаведніку «Нясвіж» адбыўся першы палацавы баль.

Праект «Палацавы баль у Нясвіжы» быў створаны па ініцыятыве Міністэрства культуры Беларусі ў падтрымку ідэі адраджэння старадаўняй традыцыі баляў.

У святочным вечары ўзялі ўдзел оперная спявачка, заслужаная артыстка Беларусі Аксана Волкава, расійская балерына Анастасія Валачкова, расійскі акцёр Дзмітрый Харацьян, народны артыст Беларусі Віктар Манаеў, мастацкі кіраўнік і галоўны дырыжор Прэзідэнцкага аркестра Беларусі Віктар Бабарыкін, дырэктар Нацыянальнага мастацкага музея Беларусі Уладзімір Пракапцоў.

Вядучымі вечара сталі Аліна Краўцова і Марат Башараў. Разам з імі гасцей сустракалі «Міс Беларусь — 2008» Вольга Хіжынкова і Разана Дэвісан — дачка славутага кампазітара Крыса дэ Бурга, уладальніца тытула «Міс свету — 2003».

У прывітальным слове міністр культуры Павел Латушка адзначыў: «Правядзенне палацавага балю ў Нясвіжы — культурнай сталіцы 2012 года — надае гэтаму мерапрыемству асаблівае гучанне. Упершыню з часоў Радзівілаў гісторыя і сучаснасць усяго на адну ноч аб’яднаюцца і напоўняць залы Нясвіжскага палаца светлай веліччу старадаўняга высакароднага мастацтва». Міністр пажадаў усім гасцям палаца «у такт з цудоўнай старадаўняй музыкай правесці неверагодны вечар у атмасферы цяпла, дабра і непаўторных уражанняў».

Марат Башараў, адкрываючы баль, сказаў: «Мы часта, здымаючы кіно, будуем дэкарацыі, але сёння я прыехаў у цудоўны Нясвіжскі замак і зразумеў: навошта нам будаваць дэкарацыі, калі ў нас ёсць такія палацы?
Гэта трэба захоўваць, берагчы. Я вам вельмі ўдзячны за тое, што вы захавалі гэтае цудоўнае месца, гэты цудоўны замак. Дзякуй вам велізарнае!»

У першым балі былі задзейнічаны самыя прыгожыя залы Нясвіжскага палаца: Тэатральная, Залатая, Паляўнічая, Гетманская. Госці ўбачылі выступленні фольк-гурту «Тутэйшая шляхта», студыі старадаўняга танца «Залаты двор», удзельнікі якой прадставілі на суд гледачоў тэатральную пастаноўку аб гісторыі кахання Барбары Радзівіл і Сігізмунда Аўгуста. Праграму баляў XIX стагоддзя прадставіла студыя гістарычнага танца «Версаль» разам са струнным квартэтам Astorio.

Арганізатары праекта — Міністэрства культуры Беларусі і Нацыянальны гісторыка-культурнымузей-запаведнік «Нясвіж» пры падтрымцы Мінскага аблвыканкама. Выканаўчы прадзюсар праекта — ТАА «Берын Арт Менеджмент».

0
Радзівон / Адказаць
11.11.2012 / 16:22
> і зразумеў: навошта нам будаваць дэкарацыі, калі ў нас ёсць такія палацы? У каго гэта - у нас?
0
Natallija to Радзівон / Адказаць
11.11.2012 / 16:38
+10000000000000000000000000000000000000000 z jazyka sarwali
0
Юры / Адказаць
11.11.2012 / 16:54
Что это за российский шабаш в Несвиже устроили??! А просто дипломатов разных стран пригласить для начала не пробовали?
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру