12.11.2012 / 15:46

Лукашэнка пахваліў Пазняка і накінуўся на Бяляцкага 78

Афіцыйны кіраўнік Беларусі зноў заявіў пра фінансаванне Захадам апазіцыі, што, паводле яго словаў, пацвярджае і лідар КХП БНФ.

«Дзякуй яму [Пазняку], што ён працытаваў мяне аб тым, што я казаў на Усебеларускім народным сходзе. Грошы Захад заплаціў беларускай апазіцыі, даслоўна кажу па Пазняку, і яны [апазіцыя] кажуць сёння, што трэба заходнім палітыкам», — адзначыў А. Лукашэнка ў панядзелак на сустрэчы са студэнтамі і выкладчыкамі БДЭУ.

«Гэта прызнаюць нашы г. зв. апазіцыянеры. Яны там кормяцца, у іх там карыта, ці тут карыта, а корм прывозяць адтуль»,
— заявіў А.Лукашэнка, цытуе яго словы Interfax.by
Лукашэнка таксама нагадаў пра падвойныя стандарты ў ацэнцы справы кіраўніка зачыненага ўладамі праваабарончага цэнтра «Вясна» Алеся Бяляцкага, асуджанага ў Беларусі на 4,5 года за нявыплату падаткаў.

«Інфармацыю нам даў Еўрапейскі саюз праз Літву, дзе ён хаваў грошы. Так, у Амерыцы можна атрымаць пажыццёвае зняволенне за нявыплату падаткаў — гэта нармальна», — адзначыў ён, паведамляе tut.by

Нагадаем, што ў канцы кастрычніка Зянон Пазняк у інтэрв’ю малавядомаму сайту Interpolit заявіў, што ў Беларусі няма сапраўднай апазіцыі.

Старшыня КХП-БНФ назваў канкрэтную суму, якая была выдаткаваная на стварэнне беларускай апазіцыі ў 1999 г. — $1 млн. 700 тыс.
«Дасылаюць Віка, кіраўніка знешняй разведкі Германіі, дасведчанага прафесіянала. Ён пачынае збіраць Лябедзек, Калякіных, дае ім грошай. Захад атрымаў сваю групу апазіцыі, на якую ён можа ўздзейнічаць з дапамогай грошай і якая выконвае іх пажаданні, каб аказвалі ціск на Лукашэнку. (…) Яны робяць пікеты, мобы-шмобы розныя, і ў гэты ж час Вестэрвеле едзе, Сікорскі. Тры мільярды прапаноўваюць. Ціск на Лукашэнку з боку апазіцыі і тут жа перамовы з ім у інтарэсах Захаду. Гэта і ёсць заходняя палітыка, але не дэмакратыя», — сказаў тады Пазняк.

Яго словы выклікалі вострыя спрэчкі ў беларускім інтэрнэце, а першы кіраўнік незалежнай Беларусі Станіслаў Шушкевіч назваў З. Пазняка «палітычным дэзерцірам».

Хочаш падзяліцца важнай інфармацыяй ананімна і канфідэнцыйна?

0
Паўлюк / Адказаць
12.11.2012 / 15:49
Вось. І гэта толькі пачатак. Прыйдзе час і ён будзе на каленях прасіць у яго дараваньне!
0
ranen / Адказаць
12.11.2012 / 15:51
Вот так становятся друзьями!
0
апантаны / Адказаць
12.11.2012 / 15:52
ну гамон проста! каму верыць цяпер? за кім ісці? адзіная надзея на моладзь - Дашкевіч, Палажанка. Гадоў праз 10.
Паказаць усе каментары/ 78 /
Каб пакінуць каментар, калі ласка, актывуйце JavaScript у наладах свайго браўзеру