«Советская Белоруссия» паведаміла пра выбух каля віцебскага абласнога ўпраўлення КДБ на пятай паласе.
Газета «Звязда» піша пра выбух у Віцебску на другой паласе.
«Советская Белоруссия» ў аўторкавым выпуску паведаміла пра выбух каля віцебскага абласнога ўпраўлення КДБ на пятай паласе. Кароценькі артыкул «Следчыя дзеянні працягваюцца» — гэта фактычна цытата з паведамлення прэс-службы КДБ.
Звяртае на сябе ўвагу памер тэксту — у лепшым выпадку 1/8 паласы. Нават паведамленне пра сутычкі на маршы нацыяналістаў у Польшчы ці не ўдвая большае.Не кажучы ўжо пра тое, што суседняя паласа цалкам адведзеная нібыта «няўдачы аранжавых» ва Украіне і першы прысуд па справе на Балотнай у Маскве.
Газета «Звязда» піша пра выбух у Віцебску на другой паласе. Артыкул «выбух у Віцебску: пацярпелі вокны» таксама заснаваны на інфармацыі з КДБ, ён не нашмат большы, за паведамленне ў «СБ».
Можна здагадвацца, чаму цэнтральныя афіцыйныя выданні так скупа пішуць пра падобнае здарэнне.
Задзейнічаная правераная часам савецкая тэхналогія, калі ў падкрэсленым негатыве пра замежжа ўласныя праблемы проста хаваліся.
Аднак у шараговага чытача ад такой падачы матэрыялу можа скласціся ўражанне, што падрыў будынкаў КДБ — будзённая справа для нашай краіны.