Іх зрабілі нямецкія жаўнеры падчас вайны.
Чатыры старыя здымкі невялікай вёскі Чапунь, якая знаходзіцца ў Іўеўскім раёне, прадаюцца цяпер на інтэрнэт аўкцыёне ebay.
Здымкі выкананы падчас Першай сусветнай вайны ў 1916–1917 гадах нямецкімі жаўнерамі.
Сама вёска ўпершыню згадваецца ў 1561 годзе, але зразумела, што ніякіх старых выяваў амаль не захавалася. Толькі дзякуючы вайне і кайзераўскім салдатам можна пабачыць яе краявіды.
На адным са здымкаў нямецкія жаўнеры зняліся каля магілаў сваіх таварышаў.
Гэтыя могілкі захаваліся дасюль. Каменны помнік толькі часткова знішчаны, а вось ад магілаў і драўляных крыжоў каля яго не засталося і следу.
На другім здымку можна пабачыць, што тэлефанізацыя Чапуня распачалася на дзясяткі гадоў раней ад афіцыйнай савецкай. Нямецкія тэлефаністы ставілі па вёсцы слупы з дратамі яшчэ ў маі 1917 года. Праўда, мясцовыя жыхары не маглі тады выклікаць па тэлефоне «хуткую дапамогу» ці нават проста скарыстацца сувяззю. Яна прызначалася толькі для вайсковых мэтаў.
Яшчэ два здымкі прадстаўляюць Чапунь зімою. Але на іх толькі краявіды і будынкі. На жаль, здымкі з жыхарамі вёскі пакуль не прадстаўленыя на аўкцыёне. Можна, аднак, спадзявацца, што такія таксама існуюць у шматлікіх ваенных альбомах, якія захоўваюцца ў нямецкіх сем’ях.
-
На захадзе Польшчы знайшлі артэфакт, падобны да таго, што нарабіў шуму пры раскопках гарадзішча на Менцы
-
Паглядзіце, як беларусы ўпарадкоўваюць старыя габрэйскія могілкі — розніца паміж «да» і «пасля» ўражвае
-
Як беларусы чыталі і вымаўлялі царкоўнаславянскія словы ў XVIII стагоддзі? Ёсць магчымасць гэта высветліць
Каментары