18.11.2012 / 14:49

Новым старшынёй незалежнага Саюза палякаў стаў спартовы трэнер Мечыслаў Яськевіч 6

Ён набраў на 7 галасоў болей за дзейную старшыню.

У працы VIII з’езда незалежнага Саюза палякаў Беларусі бярэ ўдзел 218 дэлегатаў, або 94% ад агульнай лічбы вылучаных дэлегатаў.

У выніку галасавання абраны новы старшыня арганізацыі. Ім стаў Мечыслаў Яськевіч, за якога прагаласавала 112 дэлегатаў.

Другая кандыдатка, Анжаліка Арэхва, атрымала 105 галасоў у сваю падтрымку. З розніцай у 7 галасоў Мечыслаў Яськевіч стаў старшынём арганізацыі. Гэта досыць нечаканы вынік, бо ўсе меркавалі, што Анжаліка Арэхва, якая на працягу трох гадоў выконвала абавязкі старшыні арганізацыі, зойме пасаду паўнапраўна. Спартовы трэнер Мечыслаў Яськевіч раней быў намеснікам старшыні Саюза палякаў Беларусі.

На пачатку галасавання было вылучана сем кандыдатаў, сярод іх такія вядомыя дзеячы, як Анжаліка Борыс, Тадэвуш Гавін і іншыя. Усе яны знялі свае кандыдатуры,
і на фініш галасавання выйшлі два кандыдаты.
З’езд таксама абярэ Галоўную раду арганізацыі, якая ўжо на сваім паседжанні абярэ старшыню Галоўнай рады, а таксама намеснікаў старшыні арганізацыі.

Незалежны Саюз палякаў не падпарадкоўваецца лукашэнкаўцам, а дзейнічае самастойна. У піку яму ўлады стварылі падкантрольную арганізацыю польскай меншасці, на чале якой стаяць «правераныя асобы».

0
Гісторык / Адказаць
19.11.2012 / 08:58
Штосьці тут не выглядае складна. Ці не распрацовачка гэта пэўнай канторы? Вельмі падобна з тым, як мянялі ў партыі БНФ Баршчэўскага на Янукевіча. Яськевіча як актыўнага дзеяча і сапраўднага абаронцы палякаў у Беларусі нешта чуваць не было. Буду рады памыліцца.
0
неГісторык / Адказаць
19.11.2012 / 11:50
Гісторык напiсаў(ла Яськевіча як актыўнага дзеяча і сапраўднага абаронцы палякаў у Беларусі нешта чуваць не было. Буду рады памыліцца. ....................... Гісторык думай пра сябе любімага а не пра палякаў. Чотр іх не возьме!!!
0
Алень / Адказаць
19.11.2012 / 13:19
З’езд таксама абярэ Галоўную раду арганізацыі, якая ўжо на сваім паседжанні абярэ старшыню Галоўнай рады, а таксама намеснікаў старшыні арганізацыі.-- Старшыня арганізацыі гэта не тая ж пасада, што старшыня Галоўнай рады? Калі розныя, то ў чым іх адрозненьне?
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру