21.11.2012 / 15:26

У радзільных дамах вядуць схаваную відэаздымку Вы думаеце, гэта правільна? 20

Пра гэта паведаміла пацыентка мінскай радзільні №1.

Паводле яе інфармацыі, камеры відэаназірання стаяць не толькі ў перадродавым пакоі, але і ў радзільні.

«У 1-м радзільным доме пры 1-й гарадской клінічнай бальніцы знаходзяцца камеры відэаназірання, нават у прыёмным аддзяленні, перадродавай і ў радзільным памяшканні, у аперацыйнай! Роды запісваюцца, пра што парадзіх не папярэджваюць! — напісала яна ў рэдакцыю. — Таксама ёсць звесткі, што відэакамеры знаходзяцца ў 7-й і ў 2-й радзільнях Мінска».

Чытачка прызнаецца, што ўбачыла выявы з відэакамер у радзільных залах радзільні № 1 на маніторы загадчыцы, да якой зайшла.

«Я сказала, што я, напрыклад, не хачу, каб мяне падчас родаў здымалі. На што мне сказалі, што гэта па законе, але паводле якога — адказаць не змаглі, але ўдакладнілі, што гэта было распараджэнне міністэрства, — распавядае яна.
— Я паразмаўляла з дзяўчатамі, якія таксама ляжаць у гэтым раддоме, але ўжо нарадзілі, яны здзівіліся, сказалі, што нават не ведалі пра тое, што іх здымалі».

Парадзіха абураная і кажа, што такім чынам парушаецца арт. 18 Закона РБ «Аб інфармацыі, інфарматызацыі і абароне інфармацыі», згодна з якім «ніхто не мае права патрабаваць ад фізічнай асобы інфармацыі аб яго прыватным жыцці і персанальных дадзеных, … або атрымліваць такую ​​інфармацыю іншым чынам насуперак волі дадзенай фізічнай асобы». Будучая мама звярнулася ў Міністэрства аховы здароўя і ў Камітэт аховы здароўя за растлумачэннем, аднак ні ў адной з устаноў ёй толкам нічога растлумачыць не змаглі.

«У Міністэрстве толькі сказалі, што гэта ўсюды так», — кажа яна.

Журналісты паспрабавалі разабрацца ў сітуацыі, аднак ні ў Міністэрстве аховы здароўя, ні ў Камітэце аховы здароўя Мінгарвыканкама карэспандэнту толкам яе растлумачыць не змаглі.

У прыёмным пакоі 1-й радзільні паведамілі, што «камеры стаяць для супрацоўнікаў радзільні», пры гэтым адказалі, што «ў радзільнай зале відэакамеры няма». Датэлефанавацца да радзільнай залы, каб пацвердзіць гэтую інфармацыю, на момант публікацыі навіны не ўдалося.

У 2-м радзільным доме на пытанне «Ці ёсць у вас у радзільнай зале відэакамеры?» прама адказалі «Так».

«І не толькі ў радзілнай зале у нас камеры, але і ў прыёмным пакоі, і ў фае — па ўсім радзільні. Гады 3–4 таму іх паставілі, — распавялі ў радзільні. — Камеры стаяць, каб у выпадку нейкіх праблем, можна было разабрацца ў сітуацыі, яны сочаць за працай персаналу».

— А парадзіх аб гэтым папярэджваюць?

— Калі вы спытаеце, вам, вядома, адкажуць, але калі вы будзеце ў нас нараджаць, вы яе ўбачыце, паверце, яна вам не перашкодзіць.

У Міністэрстве аховы здароўя параілі звяртацца ў Камітэт па ахове здароўя, дзе паведамілі, што відэакамеры зараз вешаюцца ва ўсіх установах аховы здароўя, у тым ліку і ў радзільных стацыянарах. Камеры стаяць там, дзе працуе персанал, але не там, дзе праходзяць роды. У любым выпадку, дзе вісяць камеры, там стаяць шыльды, якія папярэджваюць, што вядзецца відэаназіранне.

0
Ліхтар / Адказаць
21.11.2012 / 16:17
Можа які-небудзь высокапастаўлены маньяк праглядае відэазапісы замест фільмаў.
0
Александр / Адказаць
21.11.2012 / 16:55
Камеры скоро станут проклятием человечества. Вред от подобного шпионажа во много раз превысит пользу. И так цивилизация создала огромное количество очагов психологической напряженности. Дело не в слежке, а в дальнейшем использовании информации, полученной с ее помощью. Каковы могут быть последствия многие люди даже не догадываются.
0
volia_volnaia / Адказаць
21.11.2012 / 17:01
Нічога такога крымінальнага не бачу...Лепей хай камеры, чым безадказнасць медперсаналу, у выпадку калі што не так пад час родаў...Шмат чаго дрэннага здараецца, дваіх нарадзіла, ведаю..
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру