21.11.2012 / 16:28

Афіцыйна: Продаж «чарніла» ў Мінску забараняць не будуць 3

Продаж мацаваных пладовых вінаў у Мінску забараняць не будуць, паведамілі ў прэс-службе Мінгарвыканкама.

Мінгарвыканкам прыняў рашэнне, якое адмяняе правядзенне лакальнага эксперыменту па забароне рэалізацыі такой прадукцыі ў аб'ектах рознічнага гандлю Мінска.

Планавалася, што мацаваныя пладовыя віны ў сталічных крамах перастануць прадаваць з 1 снежня 2012 года, забарона павінен быў працягнуцца да 1 лютага 2013 года, tпаведамляе БелТА

Нагадаем, што 15 лістапада Лукашэнка на нарадзе па пытанні рэфармавання МУС скептычна выказаўся наконт забароны на продаж у Мінску мацаваных пладова-ягадных вінаў.

«Гэтыя забароны нічога талковага не дадуць, — сказаў ён. — Збярыцеся і сур’ёзна падумайце над тым, да чаго гэта можа прывесці. Забароннымі метадамі мы нічога не зробім. Папраўчыя лячэбна-працоўныя прафілакторыі, медвыцвярэзнік — трэба сур’ёзна паглядзець на гэтую сістэму, дзе трэба — узнавіць, дзе не трэба — ліквідаваць. Разумна падысці. У нас гэта праблема. І трэба, можа быць, гэтымі шляхамі змагацца. І сёння гэта функцыя міліцыі, бо заўтра — гэта ўжо парушэнне грамадскага парадку, калі цябе з вуліцы забралі, гэта прадухіленне будучых злачынстваў. Але трэба, каб за гэта заплаціў, і добра. Няма грошай — забяспечце яго такой працай, каб яму больш не было хацелася туды трапляць і каб вы атрымалі за гэта пэўныя грошы».

Зварот Лукашэнкі быў адрасаваны не толькі да МУС, але і да старшыні Мінскага гарвыканкама Мікалая Ладуцькі.

0
вiнi пух / Адказаць
21.11.2012 / 17:06
Лукашэнку выгадны споены беларускi народ.
0
STATiK / Адказаць
21.11.2012 / 19:19
Папраўчыя лячэбна-працоўныя прафілакторыі, медвыцвярэзнік — трэба сур’ёзна паглядзець на гэтую сістэму, дзе трэба — узнавіць, дзе не трэба — ліквідаваць. Пхаха, ну хоць я яго й падтрымліываю, а яшчэ дапоўню, што асацыялаў і іншых алкашоў трэба нагружаць працай, гразнай, цяжкай і таннай - і паболей, і амаль задарма, ну за пакарміць... АЛЕ ўсё ж такі, якая ж Лука ... Адкрытае пханне нацыі у прорву дэградацыі і быдляцтва... ЖАХ! Вайна супраць свайго народу...
0
Сырок разладу / Адказаць
21.11.2012 / 23:02
вiнi пух напiсаў(ла) 21 лiстапада 2012 у 17:06 Лукашэнку выгадны споены беларускi народ. Лукашэнку похер гэты ваш беларускі народ. Гэта чыста эканамічны разлік: прадаць бырла, аштрафаваць за п'янку, змесціць у выцвярэзнік, потым у прафелакторы... папутна забраць пасведчанне кіроўцы сумесна з аўтамабілям і з "пряфеляктычным" штрафам. На 2 міліярды (на частку ад таго што дае расея) магчыма утрымаць 12 000 гэбістаў па кошце 10 000 даляраў у месяц. Астатняе патраціць на бэушны боінг і новую рэзідэнцыю. ...і сядзець каля вялікага экрана і сачыць як беларусы, як пацукі у банцы, пажыраюць друг друга за кавалак невядома чаго.
Каб пакінуць каментар, калі ласка, актывуйце JavaScript у наладах свайго браўзеру