22.11.2012 / 10:37

Загад Лукашэнкі ў дзеянні: для слуцкіх паясоў выбіраюць упакоўку 2

Ад нядаўняга часу ў метро можна ўбачыць цікавую аб’яву: дзяржаўнае аб’яднанне «Дзяржмастацпромыслы» аб’явіла адкрыты публічны конкурс на «Стварэнне ўпакоўкі і (ці) пашпарта аналагаў, копій слуцкіх паясоў, а таксама сувенірнай прадукцыі «Слуцкія паясы».

З моманту, калі Лукашэнка ў сваім штогадовым пасланні нацыі ўзгадаў «культавы» беларускі прадукт, прайшло больш за 7 месяцаў. «Сёння ў доме практычна кожнага беларуса ёсць абраз. Мне хочацца, каб у кожнай іконы быў і слуцкі пояс. Мы пачалі па маім непасрэдным даручэнні да адраджэння аднаго з галоўных сімвалаў Беларусі — слуцкіх паясоў. Гэты праект-ўнікальны. У ім спляліся разам традыцыі, гісторыя, культура, тэхналогія і эканоміка. Мы не толькі павінны адрадзіць старажытны промысел, але і зрабіць яго сучасным брэндам, якія дазваляюць зарабляць валюту і якія прадстаўляюць Беларусь», — заявіў тады Лукашэнка.

І вось на сайце «Дзяржмастацпромыслаў» гаворыцца, што «Слуцкія паясы прызнаны ва ўсім свеце нацыянальнай рэліквіяй беларускага народа як унікальны від ручнога ткацтва і сімвал самавызначэння нацыі.

Па даручэнні кіраўніка дзяржавы ў Рэспубліцы Беларусь праводзіцца работа па адраджэнні тэхналогіі вырабу феномена беларускай самабытнасці — слуцкіх паясоў."

З 12 лістапада па 14 снежня любы можа даслаць сваю працу на конкурс. Прызавы фонд конкурсу — 40 мільёнаў беларускіх рублёў. 20 з іх атрымае пераможца ў першай намінацыі, па 10 за вертыкальную і гарызантальную ўпакоўку.

Тэхналогію вырабу ўжо аднавілі і рыхтуюцца да масавага выпуску сувеніраў з «персідскімі ўзорамі» ды «цвятком радзімы, васільком». Але ў такім выпадку паўстае яшчэ адно пытанне: ці будзе задзейнічаны адміністратыўны рэсурс, каб павесіць свежавытканыя паясы ў новай ўпакоўцы каля кожнага абраза?

Кірыла Хілько

0
бульбавец / Адказаць
22.11.2012 / 13:13
Паяс на абраз, гэта тое самае, што чалавечыя яйцы на стол.
0
Litwin-BIELARUS / Адказаць
26.11.2012 / 07:44
Radzimy kwietku - wasilka : Nie tcsche mankurtckaja ruka !
Каб пакінуць каментар, калі ласка, актывуйце JavaScript у наладах свайго браўзеру